Tiagu 5:11 - BIBLIA - traduson antigu in Krioulo

¹¹ No ta fala kuma kilis ku nguenta fadiga e sortiadu. Bo obi pasensa di Jo; bo oja fin ku Siñor dal, pabia Siñor ta sinti garandi pena ku miserikordia.

Tiagu 5:11 ပူးပေါင်းရင်းမြစ်များ

1 Kronikas 21:13

Davi fala Gad: “N foronta dimas! Ma i minjor pa N kai na mon di SIÑOR, pabia i ta ten garandi pena di jinti; libran di N kai na mon di omis!”

2 Kronikas 30:9

Si bo riba pa SIÑOR, kilis ku leba bo ermons ku bo fijus katibu e na ten pena delis, e disa elis pa e riba pa e tera, pabia SIÑOR bo Deus ta sinti pena ku amor. I ka na rabida si rostu di bos si bo riba pa el.”

Neemias 9:17

E nega sukutau, e ka lembra di garandi milagris ku bu fasi pa elis. E ntema, e rebela, e kuji un ŝef pa e pudi riba pa se katiberasku, ma abo i un Deus ku ta purda, ku ta sinti pena, ku ta mostra bondadi, ku ta tarda pa paña raiba, ku ten garandi amor. Asin bu ka bandona elis,

Neemias 9:31

ma na bu garandi miserikordia bu ka kaba ku elis, nin bu ka bandona elis, pabia abo i Deus di bondadi ku miserikordia.

Jo 1:1

Na tera di Uz i tenba un omi comadu Jo, un omi di bardadi ku rispita Deus, i yanda diritu, i libra di fasi mal.

Jo 1:2

I padi seti fiju macu ku tris femia.

Jo 2:10

Jo ruspundil: “Bu na papia suma dudu! Nta no na risibi ben di Deus, no ka na risibi mal?” Na tudu e kusas Jo ka peka kontra Deus ku si boka.

Jo 23:10

ma el i sibi nunde ku N na bai; si i kaba proban, N na sai suma uru.

Salmus 103:13

Suma pape ta sinti amor pa si fijus, asin ku SIÑOR ta sinti amor pa kilis ku rispital,

Salmus 103:8

SIÑOR ta mostra miserikordia ku bondadi; i ta tarda pa paña raiba, i ten garandi amor.

Salmus 116:5

SIÑOR i bon, i justu; no Deus ta sinti pena.

Salmus 119:132

Vira pa mi, bu ten pena di mi, suma ku bu kustuma ta fasi ku kilis ku ama bu nomi.

Salmus 145:8

SIÑOR i bon, i ta sinti pena; i ta tarda pa paña raiba; i ten garandi miserikordia.

Salmus 37:37

Nota pa omi di bardadi, bu pensa diritu na kil ki retu, pabia omi di pas ta tene jorson di futuru,

Salmus 51:1

Ten pena di mi, o Deus, konformi bu bondadi; Suma ku bu amor i garandi, riska ki mal ku N fasi.

Salmus 78:38

Deus, ku ta ten pena, i purda se pekadu, i ka kaba ku elis. Manga di bias i domina si raiba, i ka disal pa i yardi,

Salmus 86:15

Ma abo, SIÑOR, i Deus ku ta sinti pena, ku ta mostra fabur ku pasensa, ku ten garandi bondadi ku bardadi.

Salmus 86:5

SIÑOR, abo i bon, bu sta pruntu pa purda. Bu riku na bondadi pa tudu kilis ku comau.

Salmus 94:12

SIÑOR, sortiadu i ki omi ku bu ta raprindi, kil ku bu ta nsina bu lei;

Saida 34:6

I pasa dianti di Moisés, i papia risu, i fala: “SIÑOR, SIÑOR, Deus ku ta ten miserikordia, ku ta sinti pena, ku ta tarda pa paña raiba, ku ta mostra garandi amor, ku ta sedu bardadi,

Eklesiastis 7:8

Kabantada di un asuntu i minjor di ki si kumsada. Pasensa i minjor di ki orgulyu.

Isaias 63:7

N na fala di bondadi di SIÑOR, ku ki kusas ki fasi, ki dibi di ngabadu pa el, konformi tudu ku SIÑOR danu. N na konta di ki manga di kusas bon ki fasi pa jorson di Israel konformi si amor ku si garandi bondadi.

Isaias 63:9

Na tudu se sufrimentu el i sufri; anju, ku sedu el propi, i salba elis. Ku si amor ku si miserikordia i libra elis, i toma elis, i gia elis tudu dias di tempu antigu,

Miskiñu di Jeremias 3:22

i pabia di miserikordia di SIÑOR ku no ka kabadu ku el; pabia si garandi amor ka ta kaba.

Daniel 9:9

SIÑOR no Deus ta mostra miserikordia, i ta purda, mesmu ku no peka kontra el.

Joel 2:13

Te pa bo rumpi bo ropa, minjor bo rumpi bo korson.” Bo riba pa SIÑOR bo Deus, pabia el i ta sinti pena, i ta mostra amor; i ta tarda pa paña raiba, i ten garandi bondadi; i ta muda di mal ki pensa fasi.

Jonas 4:2

i ora i fala SIÑOR: “O SIÑOR! Nta i ka es ku N falaba kuma i na bin sedu oca ku N staba inda na ña tera? E ku manda N tentaba kuri pa Tarsis, pabia N sibi kuma abo i Deus ku ta ten dur di jinti, ku ta sinti pena, ku ta tarda pa paña raiba, ku ten bondadi garandi, ku ta muda di ideia di fasi mal.

Mikeias 7:18

I ka ten ningin suma bo, o Deus, ku ta purda pekadu, ku ta diskisi di disobdiensia di kilis di bu yardansa ku sobra. O SIÑOR, bu ka ta guarda bu raiba pa sempri, pabia bu ten kontentamentu na bu bondadi.

Numerus 14:18

‘SIÑOR ten garandi pasensa ku amor, i ta purda pekadu ku rebelion, ma i ka ta diskulpa kil ki kulpadu; i ta kastiga fijus ku netus te na terseru ku kuartu jorson, pabia di pekadu di papes.’

Mateus 10:22

Tudu jinti na nfastia bos pabia di ña nomi, ma kil ku fika firmi te na fin i na salba.

Lukas 1:50

I na ten pena di kilis ku rispital, ku se fijus pa dianti.

Lukas 11:10

Tudu kil ku pidi i ta risibi; kin ku buska i ta oja; kil ku bati porta, i ta yabridu el.

Lukas 6:36

Bo sinti pena di jinti, suma ku bo Pape ta ten pena.

Romanus 2:4

O bu ta njuti rikesa di si bondadi, kuma ki ta sufriu ku pasensa? Bu ka sibi kuma bondadi di Deus i pa lebau pa ripindimentu?

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 2:4

Ma Deus, ku ta ten pena di jinti dimas, pabia di garandi amor ki ten pa nos,

Ebreus 10:39

Anos no ka sta na ladu di kilis ku rakua, e pirdi: no sta na ladu di kilis ku fia, e ngaña salbason.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

Tiagu 1:2

Ña ermons, ora ku bo ten ku pasa manga di koldadi probason, bo fasi di konta kuma bo sortiadu.

1 Pedru 1:13

Asin, bo purpara bo ntindimentu pa tarbaju, bo pui tudu sintidu. Bo pui tambi tudu bo speransa na fabur ku bo na dadu ora ku Jesus Kristu bin.

1 Pedru 3:14

Nin ku bo sufri pabia bo na fasi ben, bo ta sedu sortiadu. Ka bo ten medu delis, nin ka bo tarpaja.

2 Pedru 2:9

Asin Siñor i sibi libra di tentason kilis ku rispital; i ta guarda ki maus te dia di juisu pa e kastigadu.