Tiagu 4:1 - BIBLIA - traduson antigu in Krioulo

¹ Ki geras ku jus na bo metadi, nunde ke sai nel? Nta e ka bin di diseẑus ku bo ten ku na luta dentru di bos?

Tiagu 4:1 ပူးပေါင်းရင်းမြစ်များ

Jeremias 17:9

Korson ta ngana mas di ki tudu kusa, i kuruptu tok i ka ten kura; kin ku pudi kunsil?

Mateus 15:19

I di korson ku pensamentus mau ta sai nel, ku mata, kai cai, fasi pekadu seksual, furta, konta mintida pa algin, papia mal kontra jinti.

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

Romanus 7:23

ma N oja na ña kurpu utru koldadi lei ku na geria kontra lei ku N seta; i na leban pa katiberasku di lei di pekadu ku sta na ña kurpu.

Romanus 7:5

Oca ku no na yanda suma ku naturesa di no kurpu misti, no vontadi forti pa peka, ku lei lantanda dentru di nos, i na tarbajaba na membrus di no kurpu pa tisinu mortu,

Romanus 8:7

Pensamentu di no naturesa i inimisadi kontra Deus; i ka ta obdisi lei di Deus. Na bardadi i ka pudi.

Gálatas 5:17

Kil ku no naturesa umanu misti i kontra kil ku Spiritu misti. Kil ku Spiritu tambi misti i kontra no naturesa. E dus e ta geria kontra ŋutru; asin bo ka ta pudi fasi kil ku bo misti,

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

2 Timótiu 2:23

Lunjusi di purfias di tulesa di kilis ku ka sibi nada, ku bu sibi i ta tisi son jus.

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

Titu 3:9

Libra di purfias di tulesa, ku ki listas di jinti antigu, ku jus, ku diskuti kusa di lei, pabia i ka ten purbitu; i suma nada.

Tiagu 1:14

ma kada un i tentadu ora ku si propi diseẑu mau na jundal, i na ngodal.

Tiagu 4:3

Si bo pidi, bo ka ta risibi, pabia bo ta pidi mal, son pa bo gasta na bo vontadi.

1 Pedru 1:14

Suma fijus obdienti, ka bo forma bo vida konformi diseẑus mau ku bo tenba oca ku bo ka sibiba nada inda,

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

2 Pedru 3:3

Purmeru, bo dibi di sibi kuma, na dias di kabantada, i na parsi diskarnosis ku na yanda konformi se vontadi mau,