Tiagu 2:8 - BIBLIA - traduson antigu in Krioulo

⁸ Bo na fasi diritu si bo obdisi lei di renu ku sta na Skritura, ku fala: “Ama bu kumpañer suma bo propi.”

Tiagu 2:8 ပူးပေါင်းရင်းမြစ်များ

1 Reis 8:18

ma SIÑOR falal: ‘I bon manera ku bu tene sintidu di kumpu un kasa pa mi,

2 Reis 7:9

Dipus e fala ŋutru: “No ka na fasi diritu. Aos i dia di bon noba; ali no na kala ku el! Si no pera tok sol mansi, kualker mal na ojanu. I bon pa no bai gosi, no bai konta na kasa di rei.”

Sirmonias 19:18

“Ka bu vinga nin ka bu guarda rankor kontra bu parentis, ma bu na ama bu kumpañer suma bo propi. Ami i SIÑOR.

Sirmonias 19:34

Stranjeru ku mora ku bos i ten ku tratadu suma fiju di tera. Bu na amal suma bu kabesa propi, pabia bo seduba stranjerus na tera di Ejitu. Ami i SIÑOR bo Deus.

Jonas 4:4

SIÑOR puntal: “Kal diritu ku bu ten pa paña raiba de manera?”

Jonas 4:9

Deus punta Jonas: “Kal diritu ku bu ten pa paña raiba de manera pabia di pe di bobra?” Jonas ruspundi i falal: “N ten diritu pa paña raiba te puntu di N muri.”

Mateus 22:39

Sugundu i parsil; i es: ‘Ama bu kumpañer suma bo propi.’

Mateus 25:21

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 25:23

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Mateus 7:12

Asin, bo fasi utru jinti suma ku bo misti pa e fasi bos, pabia i asin ku lei di Moisés ku anunsiaduris manda.

Romanus 13:10

Kil ku ten amor i ka ta fasi si kumpañer mal. E ku manda, kil ku ten amor i ta kumpri tudu lei.

Gálatas 5:14

Tudu lei sta juntu ne un palabra: “Ama bu kumpañer suma bo propi.”

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Filipensis 4:14

Ma i bon dimas manera ku bo judan na ña kansera.

1 Tesalonisensis 4:9

I ka pirsis pa N skirbi bos di amor entri bos ermons, pabia Deus nsina bos kuma ku bo dibi di ama ŋutru.

Tiagu 1:25

ma kil ku jubi diritu pa lei pirfitu ku ta liberta, i pega nel, i ka sedu son obidur ku ta diskisi, ma fasidur di kil ku palabra fala, si dunu ta sedu sortiadu na kil ki ta fasi.

Tiagu 2:12

Bo fala, bo yanda, suma jinti ku na julgadu pa lei ku ta liberta.

Tiagu 2:19

Bu fia kuma Deus i un son. Bu fasi ben. Dimonius tambi fia, tok e ta tirmi!

Tiagu 4:11

Ermons, ka bo fala mal di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.