Tiagu 2:19 - BIBLIA - traduson antigu in Krioulo

¹⁹ Bu fia kuma Deus i un son. Bu fasi ben. Dimonius tambi fia, tok e ta tirmi!

Tiagu 2:19 ပူးပေါင်းရင်းမြစ်များ

Isaias 43:10

SIÑOR fala: “Abos bo sedu ña tustumuñas, bo sedu ña servu ku N kuji, pa bo pudi kunsin, bo fia na mi, pa bo ntindi kuma N sedu Deus; antis di mi i ka tenba nin utru deus ku formadu, nin i ka na bin ten dipus di mi.

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 44:8

Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 45:6

pa jinti, desdi saida di sol te na si kaida, pudi sibi kuma, fora di mi i ka ten utru. Ami ki SIÑOR; i ka ten mas utru.

Isaias 46:9

Bo lembra di kusas ku pasa disna di tempu antigu; bo lembra kuma ami i Deus; i ka ten utru Deus suma mi.

Jonas 4:4

SIÑOR puntal: “Kal diritu ku bu ten pa paña raiba de manera?”

Jonas 4:9

Deus punta Jonas: “Kal diritu ku bu ten pa paña raiba de manera pabia di pe di bobra?” Jonas ruspundi i falal: “N ten diritu pa paña raiba te puntu di N muri.”

Zakarias 14:9

SIÑOR na sedu rei riba di tudu mundu. I na ten son un SIÑOR; si nomi na sedu un son.

Mateus 8:29

E kumsa na grita de manera: “Ke ku no ten ku bo, Fiju di Deus? Bu bin pa kastiganu antis di tempu?”

Markus 1:24

“Ke ku no ten ku bo, Jesus di Nazaré? Bu bin pa kaba ku nos? N sibi kin ki abo; abo i ki algin santu di Deus.”

Markus 12:29

Jesus ruspundil: “Mas garandi i es: ‘Israel, sukuta! Siñor no Deus, i el son ki Siñor.

Markus 5:7

i grita risu, i punta: “Ke ku N ten ku bo, Jesus, Fiju di Deus ku sta riba di tudu? N pidiu dianti di Deus, ka bu kastigan.”

Markus 7:9

I fala elis mas: “Bo ten manera jiru di nega mandamentu di Deus pa bo guarda kustumus di bo garandis di antigu.

Lukas 4:34

i fala: “E! Ke ku bu misti ku nos, Jesus di Nazaré? Bu bin pa kaba ku nos? N sibi diritu kin ki abo; abo i ki algin santu di Deus.”

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Atus 16:17

I ta pegaba tras di nos ku Paulu, i na grita: “E omis ku ta kontanu kamiñu di salbason i servus di Deus ku sta riba di tudu.”

Atus 19:15

Un spiritu mau ruspundi i fala elis: “N kunsi Jesus, N sibi kin ki Paulu, ma abos i kin?”

Atus 24:25

Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

Romanus 3:30

suma Deus i un son, ku ta fasi judeu justu pabia di fe; i ta fasi tambi jintiu ku ten fe nel justu.

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.

1 Koríntius 8:6

ma pa nos i ten son un Deus, Pape, ku kumpu tudu kusas, ku no ta vivi pa el; i ten tambi un son Siñor, Jesus Kristu, ku tudu kusa kumpudu pa si mon, ku anos no na vivi pabia del.

Gálatas 3:20

Midianeru i ka pirsis si i ten un algin son, ma Deus i un son.

Ripitison di Lei 6:4

Israel, sukuta! SIÑOR no Deus, el son ku sedu SIÑOR.

1 Timótiu 2:5

I ten un Deus son, ku un algin ku sta na metadi di Deus ku jinti, ku sedu Kristu Jesus, omi,

Tiagu 2:8

Bo na fasi diritu si bo obdisi lei di renu ku sta na Skritura, ku fala: “Ama bu kumpañer suma bo propi.”

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Judas 1:6

Suma tambi anjus ku ka fika dentru di otridadi ke dadu, ma e nega se propi lugar, Deus rakada elis bas di sukuru, maradu pa sempri ku korenti, pa e julgadu na ki garandi dia.

Apokalipsi 20:10

Diabu ku ngana elis i botadu na lagua di fugu ku nŝofri, nunde ku besta ku falsu anunsiadur sta. E na kastigadu di dia ku di noti pa sempri.