Tiagu 2:1 - BIBLIA - traduson antigu in Krioulo

¹ Ña ermons, suma ku bo ten fe na no Siñor Jesus Kristu ku rena na gloria, ka bo fasi diferensa di jinti.

Tiagu 2:1 ပူးပေါင်းရင်းမြစ်များ

2 Kronikas 19:7

Bo ba ta rispita SIÑOR, bo toma sintidu na ke ku bo na fasi, pabia na SIÑOR no Deus i ka ten injustisa; i ka ta fasi skuju di jinti, nin i ka ta seta suku di bas.”

Ditus 24:23

Ali mas ditus ku jinti jiru papia: Na julgamentu bu ka pudi diferensia jinti.

Ditus 28:21

Pa fasi skuju di jinti i ka bon, ma, pa ngaña un bokadiñu di kumida, omi sta pruntu pa fasi mal.

Sirmonias 19:15

“Ka bu fasi justisa tortu na tribunal; ka bu mostra fabur pa koitadi, nin pa algin riku. Bu na julga bu kumpañer ku justisa.

Mateus 22:16

E manda se disipulus juntu ku utrus di partidu di Erodis. E bai fala Jesus: “Mestre, no sibi kuma bu ta konta bardadi, bu ta nsina kamiñu di Deus konformi bardadi. Bu ka ta bari ningin paja, nin bu ka ta jubi pa rostu di ningin.

Atus 10:34

Pedru toma palabra, i fala: “Agora N rapara kuma, na bardadi, Deus ka ta fasi skuju di jinti,

Atus 20:21

N splika klaru pa judeus ku gregus kuma e ten ku konverti pa Deus ku fe na no Siñor Jesus.

Atus 24:24

Dias pasa; Féliŝ bin ku si minjer Drusila ku seduba judeu. I manda coma Paulu, i sukutal oca i na papia di fe na Kristu Jesus.

Atus 7:2

Stevon ruspundi: “Ermons ku papes, bo sukuta. Deus di gloria parsi dianti di no pape Abraon oca ki staba inda na Mesopotamia, antis di i bin mora na Aran,

Romanus 1:11

N misti oja bos, pa N pudi rapati ku bos puder spiritual, pa bo pudi fika mas forti.

1 Koríntius 2:8

Nin un otridadi de mundu ka ntindil, pabia si e ntindilba, e ka na krusifikaba Siñor di Gloria.

Ripitison di Lei 1:17

Ora ku bo na fasi justisa, ka bo fasi skuju di jinti; bo na sukuta koitadis na mesmu manera ku bo ta sukuta jinti garandi. Ka bo medi ningin, pabia justisa ku bo na fasi i di Deus. Si kontra un kasu i kansadu dimas pa bos, bo ta tisin el pa N obil.”

Ripitison di Lei 16:19

Ka bu tursi justisa, ka bu fasi skuju di jinti, nin ka bu seta suku di bas, pabia suku di bas ta sega uju di jinti jiru, i ta tursi palabra di justus.

Kolosensis 1:4

manera ku no obi di bo fe na Kristu Jesus, ku amor ku bo ten pa tudu pobu di Deus.

1 Timótiu 1:19

Guarda bu fe, ku bon konsiensia. Utru jinti nega sukuta ke ku se konsiensia na fala elis, e dana se fe.

1 Timótiu 5:21

Dianti di Deus ku Kristu Jesus ku anjus ku kujidu, N na mandau ku tudu seredadi pa bu obdisi e ordi. Ka bu julga sin ntindi kusa diritu; ka bu mostra fabur pa ningin.

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.

Tiagu 1:16

Ña kiridu ermons, ka bo ngana bo sintidu.

Tiagu 1:19

Ña kiridu ermons, bo lembra de kusa li, kuma tudu algin dibi di sta pruntu pa obi, ma pa i tarda pa papia, pa i tarda pa raiba,

Tiagu 2:3

bo mostra mas rispitu pa kil ku sta ben bistidu, bo falal: “Fasi fabur, bu sinta li,” bo fala ki koitadi: “Sikidu li,” o bo falal: “Sinta bas di mi,”

Tiagu 2:9

Ma si bo na fasi skuju di jinti, bo na fasi pekadu; lei na kondena bos suma kebraduris di lei.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

Judas 1:16

E jinti ruidur e ciu keŝasiñu; e ta yanda konformi se diseẑu mau. Palabras di garandesa ta sai na se boka. E ta bari utru jinti paja pa se interes.

Apokalipsi 14:12

Pa es i pirsis koraẑen na parti di pobu di Deus, ku obdisi si mandamentu, e fika fiel pa Jesus.