Tiagu 1:19 - BIBLIA - traduson antigu in Krioulo

¹⁹ Ña kiridu ermons, bo lembra de kusa li, kuma tudu algin dibi di sta pruntu pa obi, ma pa i tarda pa papia, pa i tarda pa raiba,

Tiagu 1:19 ပူးပေါင်းရင်းမြစ်များ

Ditus 17:27

Kin ku ten kuñisimentu i ta domina si palabra; omi di ntindimentu i ta fika kalmu.

Ditus 21:23

Kil ku guarda si boka ku si lingua i na libra si vida di foronta.

Ditus 14:29

Omi di pasensa i ten garandi ntindimentu, ma kil ki turmentadu i ta mostra tulesa.

Ditus 10:19

Na manga di kombersa i ka ta falta pekadu, ma kil ku domina si boka i jiru.

Ditus 18:13

Algin ku ta ruspundi antis di obi, i na mostra si tulesa ku si borgoña.

Ditus 13:3

Kil ku ta guarda si boka i ta guarda si vida, ma kil ku yabri si boka ciu i na tene kasabi.

Ditus 16:32

Algin di pasensa i minjor di ki omi forti di gera. Kil ku ta domina si propi kurpu i minjor di ki kil ku toma un prasa.

Efésius 4:26

Si bo paña raiba, ka bo disal i leba bos pa pekadu; nin ka bo fika ku raiba tok sol kai.

Ditus 15:18

Omi ku ta lestu pa paña raiba ta lantanda jus, ma omi di pasensa i ta kalma gera.

Kolosensis 3:8

Gosi bo ten ku tira tudu e kusa fora, suma raiba, mau jeniu, ku maña. Koba mal ku palabra fiu e ka dibi di sai na bo boka.

Efésius 4:31

Bo kaba ku tudu amargura, brabesa, raiba, gritaria, koba, ku tudu koldadi malisia na bo metadi.

Ditus 18:21

Mortu ku vida e sta na puder di lingua. Kil ku tene si lingua diritu i ta purbita ciu.

Kolosensis 3:15

Pas ku Kristu da, pa i manda na bo korson. I pa e pas ku Deus coma bos tudu juntu na un kurpu. N misti tambi pa bo korson inci gardisimentu.

Ditus 19:11

Ntindimentu ta pui algin pa i nguli si raiba; kil ku ta purda i ta ngaña rispitu.

Ditus 15:2

Palabra di jiru ta fasi kuñisimentu pa i sedu un kusa sabi, ma boka di tulu i ta darma tulesa.

Ditus 25:28

Omi ku ka pudi guberna si kurpu i suma prasa ku si mura dana.

Ditus 14:17

Kil ku lestu pa paña raiba i ta fasi suma dudu; omi ku ta fasi planu mau ta odiadu.

Mateus 5:22

Ma ami N na konta bos: tudu algin ku paña raiba kontra si ermon [sin roson] i na julgadu; kil ku koba si ermon, i comal tulu, i na julgadu na Konseliu; o i falal stupidu, i mersi bai pa fugu di nfernu.

Ditus 17:14

Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

Tiagu 1:26

Si algin kuda kuma i sedu riliẑiosu, ma i ka frianta si lingua, i na ngana si korson; si riliẑion i ka nada.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

Neemias 9:17

E nega sukutau, e ka lembra di garandi milagris ku bu fasi pa elis. E ntema, e rebela, e kuji un ŝef pa e pudi riba pa se katiberasku, ma abo i un Deus ku ta purda, ku ta sinti pena, ku ta mostra bondadi, ku ta tarda pa paña raiba, ku ten garandi amor. Asin bu ka bandona elis,

Atus 17:11

Esis e seduba mas abertu di ki kilis di Tesalónika, pabia e risibi palabra ku vontadi, e ta rabista Skritura kada dia pa jubi si e kusa ke na obi i bardadi.

Lukas 19:48

ma e ka ojaba manera di fasil, pabia tudu pobu fikaba lungu del pa sukuta si palabra.

Markus 2:2

e junta tok lugar ka tenba, nin na baranda. Jesus na kontaba elis palabra di Deus.

Ditus 19:19

Omi ku lestu pa paña raiba i ten ku sufri si kastigu. Si bu libral purmeru bias, bu na pirsisa di fasil mas.

Atus 10:33

Logu N manda comau. Bu fasi diritu bu bin. Agora no sta li tudu juntu dianti di Deus pa no obi tudu ku Deus mandau pa bu kontanu.”

Atus 2:42

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Lukas 15:1

Kobraduris di mpustu ku utru jinti di mau nomi e ta baiba tudu pa obi ke ku Jesus na fala.

Neemias 9:3

E fika sikidu na se lugar; jinti lei na libru di lei di SIÑOR se Deus pa tris ora. Pa mas tris ora e konfesa se pekadus, e adora SIÑOR se Deus.

1 Jon 2:21

I ka suma bo ka kunsi bardadi ku manda N na skirbi bos, ma pabia bo kunsil; tambi bo sibi kuma nin un mintida ka ta sai na bardadi.

Atus 13:48

Oca jintius obi es, e kontenti, e ngaba palabra di Siñor. Tudu kilis ku staba distinadu pa vida ku ka ta kaba, e fia.

Markus 12:37

Si Davi propi comal Siñor, kuma ki pudi sedu si fiju tambi?” Manga di jinti ku staba la na sukutal ku kontentamentu.

Neemias 8:18

Kada dia Esdras fika i na lei na libru di lei di Deus, disna di purmeru dia te na ultimu. E guarda ki festival pa seti dia; na oitavu dia e junta pa sirmonia di kabantada.

Numerus 22:27

Oca ku buru oja anju di SIÑOR, i dita bas di Balaon. Kila pirdi kontrolu, i suta buru ku si manduku.

Ditus 29:20

Bu ciga di oja un omi turmentadu na si palabra? I ten mas speransa pa tulu di ki pa el.

Atus 1:15

Na ki dias, na un runion nunde ku kuas sentu i vinti disipulu junta, Pedru lanta na se metadi, i fala:

Tiagu 1:2

Ña ermons, ora ku bo ten ku pasa manga di koldadi probason, bo fasi di konta kuma bo sortiadu.

Tiagu 1:16

Ña kiridu ermons, ka bo ngana bo sintidu.

Tiagu 2:1

Ña ermons, suma ku bo ten fe na no Siñor Jesus Kristu ku rena na gloria, ka bo fasi diferensa di jinti.

Tiagu 2:5

Ña kiridu ermons, bo sukuta. Deus kuji koitadis de mundu pa e sedu riku na fe, pa e yarda renu ki fala i na da kil ku amal,

Tiagu 3:10

Na un boka i ta sai palabra bon ku palabra mau. Ña ermons, i ka dibi di sedu asin.

Tiagu 4:11

Ermons, ka bo fala mal di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

Tiagu 5:12

Riba di tudu, ña ermons, ka bo jurmenta, nin pa seu, nin pa tera, nin ka bo fasi utru koldadi juramentu. Bo palabra dibi di sedu “Sin” si i sin, “Nau” si i nau, pa ka bo kai na kondenason.

Tiagu 5:19

Ña ermons, si un di bos disvia di kamiñu di bardadi, si algin ribantal,

Jo 32:16

Nta N na pera inda, suma e ka na papia; e firma la, e ka na ruspundi mas?