Tiagu 1:11 - BIBLIA - traduson antigu in Krioulo

¹¹ Sol ta lanta, i ta yardi ku si kalur, i ta seka plantas; flor ta kai, si bonitasku ta kaba. Asin tambi ku rikus ta murca na se vida, tok e pirdi.

Tiagu 1:11 ပူးပေါင်းရင်းမြစ်များ

2 Samuel 22:46

E pirdi koraẑen, e sai na se kaus forti ku medu.

Salmus 102:11

Ña dias na pasa suma sombra di tardi; N na seku suma paja.

Salmus 102:4

Ña korson molostadu, i seku suma paja, tok N ta diskisi di kume.

Salmus 103:15

Omi, si dias i suma paja; i ta kirsi bonitu suma flor na matu,

Salmus 37:2

pabia e ka na tarda, e na lati suma paja; e na muri suma plantas ku seku.

Salmus 39:6

I ta yanda suma sombra, i ta turmenta amonton. I ta junta rikesas sin sibi kin ku na bin tenel.

Salmus 90:6

i ta kirsi ki parmaña; di tardi i ta lati, i seku.

Eklesiastis 5:15

Suma ki sai nun na bariga di si mame, asin ki na riba nun. I ka na tene nada di si tarbaju ki pudi leba na mon.

Isaias 28:1

Koitadi di renu di Efrain! Si gloria na kaba suma floris di ki koroas ku sta na kabesa di se ŝefis camidu. E ta unta se kabesa orgulyosu ku purfumu, ma e foga ku biñu na rua.

Isaias 28:4

Gloria di ki ŝefis orgulyosu na disparsi suma flor; i na sedu suma figu ku kusidu purmeru, antis di kebur; si algin ojal, i ta toma, i nguli.

Isaias 49:10

Nunka e ka na tene fomi nin sedi; nin kalur, ku fadi sol, ka na foronta elis, pabia kil ku ta ten pena delis i na gia elis, i leba elis diritu pa ujus di fonti.

Mateus 13:6

Sol sai, i kemal; planta seku, pabia i ka teneba rais.

Mateus 20:12

e na fala: ‘E ultimus e tarbaja son un ora; bu paga elis suma nos ku nguenta fadiga di dia tudu, ku kalur.’

Mateus 6:30

Si Deus bisti de manera paja di matu ku ta nasi aos, amaña i ta kemadu, ku fadi abos, jinti di puku fe.

Markus 4:6

Sol sai, i kemal; planta seku pabia i ka teneba rais.

1 Koríntius 7:31

Kilis ku ta okupa ku tarbaju de mundu li, pa ka e fika suma kin ku maradu nel, pabia mundu, na manera ki sta gosi, i ka na tarda, i na pasa.

1 Pedru 1:4

Asin, no pudi yentra na un yardansa ku ka ta podri, i ka ta dana, i ka ta murca, ku rakadadu na seu pa bos.

1 Pedru 5:4

Ora ku Ŝef di Pastoris bin, bo na risibi koroa di gloria ku ka ta murca.