Sofonias 3:3 - BIBLIA - traduson antigu in Krioulo

³ Si ŝefis sedu suma lions ku na somna; si juisis e sedu suma lubus di tardi, ku ka ta sobra nin un os pa utru dia.

Sofonias 3:3 ပူးပေါင်းရင်းမြစ်များ

Ditus 28:15

Suma lion ku na pupa o ursu ku tene fomi, asin ki omi mau ku ten puder riba di un pobu koitadi.

Isaias 1:23

Bu ŝefis sedu disobdienti, kumpañeris di ladrons; kada un delis ta misti suku di bas, i ta kuri tras di diñeru. E ka ta difindi diritu di orfan, nin e ka ta para sintidu na kasu di viuvas.

Isaias 5:29

Tropas na somna suma lion, suma fiju di lion ku na pupa ora ki paña limaria, i na lebal pa kau nunde ku ningin ka pudi kaplintil.

Jeremias 22:17

Ma bu uju ku bu korson ta pui sintidu son pa ngaña ku tarpasa, pa darma sangi di kil ku ka ten kulpa, pa kalka jinti, pa toma kusas ku violensia.

Jeremias 23:11

SIÑOR fala: “Anunsiaduris tudu ku saserdotis e sta kontaminadu; te na ña kasa N oja se maldadi.

Jeremias 34:19

Ŝefis di Judá ku Jerusalen, ku funsionarius ku saserdotis, ku tudu pobu di tera ku pasa na metadi di ki dus padas di karni,

Jeremias 5:6

Pabia di kila un lion di matu na ataka elis; un lubu di lala na mata utrus; un leopardu na monta mboskada na se prasas; kualker algin ku sai i na sapa-sapadu, pabia se pekadus na buri son, no ka pudi konta kantu bias ke disvia.

Ezekiel 22:6

“‘Jubi kuma ku ŝefis di Israel ku sta na bo, kada kin na darma sangi konformi si forsa.

Ezekiel 33:26

Bo ta fiansa na bo spada, bo ta fasi kusas nujenti, kada un ta kontamina minjer di si kumpañer. Bo na pensa inda kuma bo tene e tera?’

Abakuk 1:8

Se kabalus mas ta kuri di ki gazelas, e sedu mas brabu di ki lubu di noti. Se kabalerus ta spaja pa tudu kau; e ta bin di lunju, e ta bua suma mañotis ku na janti pa kumida.