Sofonias 3:20 - BIBLIA - traduson antigu in Krioulo

²⁰ Na ki tempu N na tisi bos, N na rukuji bos pa bo tera. N na pui tudu jinti di mundu pa e ngaba bos ku rispitu, ora ku N muda sorti pa bos dianti di bo uju.” Asin ku SIÑOR fala.

Sofonias 3:20 ပူးပေါင်းရင်းမြစ်များ

Salmus 35:6

Pa se kamiñu sedu sukuru, pa i lalu, nkuantu anju di SIÑOR fika se tras!

Isaias 56:5

N na da elis un nomi na ña kasa, dentru di ña prasa, ku na ba ta lembradu mas di ki si e teneba fijus macu o femia. N na da kada un delis un nomi ku na fika pa sempri, ku nunka ka na kabadu ku el.

Isaias 56:8

SIÑOR Deus, ku junta fijus di Israel ku staba pajigadu na utru teras, i fala: “N na buri tisi mas utrus pa junta elis ku kilis ku N juntaba ja.”

Isaias 60:15

“Bu seduba bandonadu, bu odiadu; ningin ka ta pasaba na bo, ma gosi, N na dau gloria ku ka ta kaba; bu na sedu alegria di tudu jorsons di futuru.

Isaias 61:9

Se jorson di futuru na kunsidu na metadi di nasons, se fijus na kunsidu na metadi di rasas. Tudu jinti ku oja elis e na kunsi elis suma pobu ku SIÑOR bensua.”

Isaias 62:12

E na comadu Pobu di Deus, Pobu ku SIÑOR Kaplinti. Abo, bu na comadu Prasa Buskadu, Prasa ku ka bandonadu.

Isaias 62:7

Ka bo da SIÑOR tempu pa i diskansa tok i firmanta Jerusalen, i fasil prasa ku tudu mundu na ngaba.

Isaias 66:22

I torna fala mas: “Suma ku nobu seu ku nobu tera ku N na bin fasi na sta ña dianti pa sempri, asin ku bo jorson ku bo nomi na sta.

Jeremias 23:3

Ami propi N na rukuji restu di ña karnel na tudu tera ku N fusinti elis, N na pui elis pa e riba pa se koral; e na padi tok e ciu.

Jeremias 29:14

Ami, SIÑOR, N fala kuma bo na ojan; N na tisi bos di katiberasku, N na junta bos di tudu nasons ku lugaris nunde ku N manda bos, N na ribanta bos pa e kau ku N tiraba bos nel, N manda pa katiberasku. Asin ku ami, SIÑOR, N fala.’

Jeremias 30:3

Ami, SIÑOR, N fala kuma, tempu na ciga ku N na tisi ña pobu Israel ku Judá di katiberasku, N na ribanta elis na tera ku N da se papes pa e tenel.” Asin ku SIÑOR fala.

Jeremias 33:9

Jerusalen na ngañan un nomi, ku kontentamentu, ku lovor ku gloria na metadi di tudu nasons di mundu ku obi aserka di tudu bon kusas ku N fasil. E na panta, e na tirmi pabia di benson ku pas ku N dal.”

Ezekiel 16:53

“‘Ami N na torna Sodoma ku si fijus se sorti, tambi Samaria ku si fijus. N na tornau bu sorti tambi juntu ku elis.

Ezekiel 28:25

Asin ku SIÑOR Deus fala: “Ora ku N junta pobu di Israel na metadi di utru nasons nunde ke sta pajigadu, N na mostra ña puresa na se metadi na uju di ki nasons. Dipus e na bin mora na tera ku N da ña servu Jakó.

Ezekiel 34:16

N na buska kil ku pirdi, N na tisi kil ku yanda lunju; kil ku kebra pe, N na ligal; kil ku sta duenti, N na kural, ma kil ki gurdu i forti, N na kaba ku el, pabia ami i bakiadur justu.

Ezekiel 37:12

Asin bu ta anunsia, bu fala elis: ‘Asin ku SIÑOR Deus fala: O ña pobu, N na yabri bo kobas di nteru, N na pui bos sai nelis, N na leba bos pa tera di Israel.

Ezekiel 37:21

bu fala elis: ‘Asin ku SIÑOR Deus fala: N na toma fijus di Israel na metadi di nasons nunde ke baiba, N na junta elis di tudu parti, N leba elis pa se propi tera.

Ezekiel 39:13

Tudu jinti di tera na juda ntera elis. Ki dia ku N ngaña gloria i na sedu dia di lembransa pa elis. Asin ku ami, SIÑOR Deus, N fala.

Ezekiel 39:28

E na sibi kuma N sedu SIÑOR se Deus, pabia i ami ku manda elis pa katiberasku na metadi di nasons, N na torna junta elis pa ribanta elis pa se tera. Nin un delis ka na fika.

Joel 3:1

“Na ki dias, na ki tempu, ora ku N torna fasi kusas pa e kuri diritu na Judá ku Jerusalen,

Amos 9:14

N na ribanta ña pobu Israel di katiberasku. E na torna kumpu prasas ku danadu, e na mora nelis; e na paranta ortas di uva, e bibi se biñu; e na fasi ortas, e kume se fruta.

Mikeias 2:12

“Sin duvida, N na junta bos tudu, o Jakó; N na junta kilis di Israel ku sobra. N na pui elis na un kau suma karnel na koral, suma karnel ku na kume paja. I na ten baruju pabia manga di jinti sta la.

Mikeias 4:7

Kilis ku manku ku kilis ku N serka lunju, suma e sedu kilis ku sobra, N na fasi elis un nason forti. SIÑOR na rena riba delis na monti di Sion, disna di ki tempu pa sempri.”

Sofonias 2:7

Jinti ku sobra di jorson di Judá na tene ki tera lungu di mar pa bakia se limarias. Di noti e na bai dita na kasas di Askelon, pabia SIÑOR se Deus i na sta ku elis, i na torna se katibus na se tera.

Sofonias 3:19

Na ki tempu N na kastiga kilis ku ta maltrata bos; N na salba kil ku na mankusa, N na rukuji kilis ku pajigaduba. N na pui jinti na tudu tera nunde ke pudu na borgoña pa e ngaba elis ku rispitu.

Zakarias 8:13

Abos, pobu di Judá ku Israel, bo seduba un maldison na metadi di nasons, ma N na salba bos; bo na sedu benson. Ka bo medi; bo fortifika bo mon.”

Zakarias 8:8

N na ribanta elis pa e mora na Jerusalen; e na sedu ña pobu; ami N na sedu se Deus fiel i justu.”

Malakias 3:12

I fala tambi: “Jinti di tudu nasons na coma bos sortiadu, pabia bo tera na sabi.”

Ripitison di Lei 26:18

SIÑOR diklara aos kuma bu na sedu si pobu spesial, suma ki falau, tambi kuma bu ten ku obdisi tudu si mandamentus,

Ripitison di Lei 26:19

pa i pudi yalsau riba di tudu nasons ki fasi, pa bu pudi tisi lovor ku fama ku onra pa el, pa bu sedu un pobu sagradu pa SIÑOR bu Deus, suma ki fala.