Sofonias 3:18 - BIBLIA - traduson antigu in Krioulo

¹⁸ N na junta kilis na bo ku sta tristi pa falta di festival markadu, ku ta sinti pesu pabia di disprezu.

Sofonias 3:18 ပူးပေါင်းရင်းမြစ်များ

Salmus 43:3

Manda bu lus ku bu bardadi pa e gian, e leban pa bu monti sagradu, pa kau ku bu mora.

Salmus 79:4

No visiñus ku sta na no roda e kobanu mal, e ri, e fasinu trosa.

Jeremias 23:3

Ami propi N na rukuji restu di ña karnel na tudu tera ku N fusinti elis, N na pui elis pa e riba pa se koral; e na padi tok e ciu.

Miskiñu di Jeremias 1:4

Kamiñus di Sion fika tristi, pabia ningin ka ta bai pa festival markadu. Tudu si portons bandonadu; si saserdotis na jimi; si bajudas sta tristi; Sion ojadu na kasabi.

Miskiñu di Jeremias 1:7

Gosi, na dia di si kastigu fora di si tera, Jerusalen lembra di tudu kusas ki gostaba, ki teneba na tempu antigu. Oca ku si pobu kai na mon di inimigu, sin ningin pa sakura elis, inimigus ojal, e fasi trosa di si kaida.

Ezekiel 34:13

N na tira elis na metadi di nasons, na manga di tera, N na junta elis, N tisi elis na se tera, N na bakia elis na montis di Israel, lungu di rius, na tudu moransas.

Ezekiel 36:24

“‘N na toma bos na metadi di nasons na tudu teras, N junta bos, N leba pa bo tera.

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Oseias 1:11

Fijus di Judá ku fijus di Israel na junta, e na kuji un ŝef son; kusas na kuri elis diritu na tera, pabia dia di Jizreel na sedu garandi.

Oseias 9:5

Ke ku bo na fasi na dia di festival, ki dia di festival di SIÑOR?

Sofonias 3:20

Na ki tempu N na tisi bos, N na rukuji bos pa bo tera. N na pui tudu jinti di mundu pa e ngaba bos ku rispitu, ora ku N muda sorti pa bos dianti di bo uju.” Asin ku SIÑOR fala.