Sofonias 2:10 - BIBLIA - traduson antigu in Krioulo

¹⁰ Es i na sedu se pagamentu pa se orgulyu pabia e koba mal, e njata kontra pobu di SIÑOR ku ten tudu puder.

Sofonias 2:10 ပူးပေါင်းရင်းမြစ်များ

1 Kronikas 16:21

Deus ka disa ningin kalka elis; pa amor delis i raprindi reis, i fala:

Saida 10:3

Asin Moisés ku Aron bai pa Faraó e falal: “Asin ku SIÑOR, Deus di ebreus, na puntau: ‘Ate kal dia ku bu na nega baŝa bu kabesa ña dianti? Larga ña pobu pa e bai fasin sakrifisiu.

Saida 9:17

Nta bu na ntema inda kontra ña pobu, bu ka na larga elis pa e bai?

Isaias 16:6

No obi di orgulyu di Moab, manera ki orgulyosu dimas; i ta yalsa kabesa ku ronku, i ta njuti utrus, ma i ta njata amonton.

Jeremias 12:14

Asin ku SIÑOR fala: “N tene palabra aserka di tudu ña visiñus mau ku toma ña yardansa ku N da pobu di Israel. N na rinka elis na se tera; N na tira pobu di Judá na se metadi.

Jeremias 48:14

“Omis di Moab, kuma ku bo pudi fala kuma bo sedu forti na gera?

Jeremias 48:29

No obi e na papia di orgulyu di Moab; di bardadi i orgulyosu dimas, i ta ronka, i ta yalsa si ombra, i ta misti sta riba, i ta njuti utru jinti na si korson.

Miskiñu di Jeremias 1:9

Si impuresa sta na si saias; i ka pensaba na si kabantada. Asin i kai sin ningin ka spera; i ka ten kin ku na konsolal. “O SIÑOR, jubi ña kastigu, pabia inimigu ngaña.”

Ezekiel 25:6

“‘Asin ku SIÑOR Deus fala: Ku maldadi di bo korson bo toka palmu, bo baja ku kontentamentu kontra tera di Israel.

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Obadias 1:11

Bu firmaba pa jubi na ki dia ku stranjerus na lebaba rikesas di Jakó; jinti di utru rasa yentraba na se porton, e bota sorti pa dividi Jerusalen; abo propi bu seduba suma un delis.

Obadias 1:3

Orgulyu di bu korson nganau, abo ku mora na kobas di rocas, bu kasa sta la riba; bu ta punta na bu sintidu: ‘Kin ku pudi batin na con?’

Sofonias 2:8

“N obi manera ku jinti di Moab ku Amon e fasi trosa, e koba ña pobu mal, e njata kontra se tera.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”