Sofonias 1:6 - BIBLIA - traduson antigu in Krioulo

⁶ N na kaba ku kilis ku para yanda ku SIÑOR, ku kilis ku ka ta buskal nin e ka ta punta pa el.”

Sofonias 1:6 ပူးပေါင်းရင်းမြစ်များ

2 Samuel 22:22

pabia N yanda na kamiñus di SIÑOR; N ka disvia di ña Deus pa fasi mal.

2 Kronikas 15:13

Kualker algin ku ka na buska SIÑOR, Deus di Israel, ten ku matadu, nin si i beju o i nobu, nin si i omi o i minjer.

Salmus 10:4

Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

Salmus 125:5

Kilis ku disvia pa se kamiñus tortu, SIÑOR na leba elis juntu ku kilis ku ta fasi maldadi. Pas ta sta riba di Israel!

Salmus 36:3

Palabras ku sai na si boka i maldadi ku nganu; gosi i ka ta ntindi nin i ka ta fasi ben;

Isaias 1:4

Ai di nason ku ta fasi pekadu, pobu ku karga pekadu, rasa malvadu, fijus ku ntregadu pa kurupson; e nega SIÑOR, e papia mal kontra Deus santu di Israel, e dal kosta.

Isaias 43:22

“Ma abo, Jakó, bu ka coman, nin bu ka kansa bu kabesa pa sirbin, abo Israel.

Isaias 9:12

Sirus na bin di dianti; filisteus na bin di tras; e na nguli Israel ku boka ben abertu. Mesmu asin raiba di SIÑOR ka kalma, ma si mon sta inda yalsadu.

Isaias 9:13

Pobu di Israel ka riba pa kil ku na kastiga elis, ku sedu SIÑOR ku ten tudu puder, nin e ka buskal.

Jeremias 10:25

Darma bu raiba riba di nasons ku ka setau, ku rasas ku ka ta coma bu nomi, pabia e nguli Jakó tok e kaba ku el; e dana si tera.

Jeremias 15:6

Bu disan, bu riba tras; asin N na distindi ña mon kontra bo, N na kaba ku bo; N kansa sinti pena di bo.

Jeremias 2:13

“Ña pobu fasi dus tipu di pekadu. Purmeru kusa: e bandonan, ami ku sedu uju di fonti di yagu bibu. Sugundu: e ranja se propi kau di guarda yagu, ma kila raca, yagu ta sai tudu.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 3:10

Ku tudu es, Judá, si irma infiel, i ka riba pa mi ku korson di bardadi, ma ku finjimentu.” Asin ku SIÑOR fala.

Ezekiel 3:20

“Tambi si un omi bon disvia di si bon kamiñu, i kumsa na fasi mal, tok N bin pui un kusa si dianti pa i da tapada; manera ku bu ka avisal, i na bin muri na si pekadu. Ki kusas bon ki fasiba e ka na lembradu, ma N na pidiu pa bu da konta di si mortu.

Oseias 11:7

Ña pobu lestu pa disvia di mi. Nin si e coma kil ku sta riba di tudu, i ka na yalsa elis.

Oseias 7:10

Orgulyu di Israel na testifika kontra el, ma i ka na riba pa SIÑOR si Deus, nin i ka na buskal na tudu e kusas.

Oseias 7:7

Elis tudu e kinti suma furnu; e mata se juisis; tudu se reis kai un tras di utru; i ka ten nin un delis ku ta coman.

Sofonias 3:2

I ka ta obi ningin, nin i ka ta seta disiplina. I ka ta fia na SIÑOR nin i ka ta ciga pertu di si Deus.

Romanus 3:11

I ka ten kil ku ta ntindi; i ka ten kil ku na buska Deus.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Josué 23:12

“Si bo da SIÑOR kosta, bo junta ku restu de nasons ku fika na bo metadi, si bo kasa ku elis, bo fasi sos ku elis,

1 Samuel 15:11

“N ripindi manera ku N pui Saul pa i sedu rei, pabia i disa di sigin, i ka obdisi ña ordi.” Samuel fika tristi, i coma SIÑOR tudu ki di noti.