Sofonias 1:17 - BIBLIA - traduson antigu in Krioulo

¹⁷ N na kastiga jinti tok e na yanda suma segus, pabia e peka kontra mi, SIÑOR. Se sangi na darmadu suma reia; se difuntus na botadu suma liŝu.

Sofonias 1:17 ပူးပေါင်းရင်းမြစ်များ

Salmus 83:10

Elis e kabadu ku el na Endor, e bida suma strumu na con.

Isaias 29:10

SIÑOR darma spiritu di sonu fundu riba di bos, i tapa bo ujus abos anunsiaduris; i kubri bo kabesa, abos videntis.

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Jeremias 10:18

pabia asin ku SIÑOR fala: “N na bota fora moraduris di tera, N na foronta elis tok e sinti.”

Jeremias 15:3

SIÑOR fala: “N na bin pa elis ku kuatru tipu di kastigu: spada pa mata elis, kacur pa rasta elis, kacus pa kume elis ku limarias di matu pa nguli kil ku sobra.

Jeremias 18:21

Asin, ntrega se fijus pa fomi, bu ntrega elis pa spada; se minjeris pa e robadu se fijus, pa e fika viuvas; se maridus pa e matadu, se jovens pa e matadu ku spada na gera.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 3:25

No dita na no borgoña, no kubri ku no kunfuson, pabia no peka kontra SIÑOR no Deus, anos ku no papes, disna di no nobresa; no ka obdisi ke ku SIÑOR no Deus fala ku nos.”

Jeremias 4:18

Bu manera di yanda ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

Jeremias 8:2

e na distindidu na sol ku lua ku tudu strelas di seu, ku sedu kusas ke amaba, ke sirbiba, ke kuriba se tras, ke punta, ke mborka pa elis. Ki os ka na juntadu nin nteradu, ma e na sedu strumu pa con.

Miskiñu di Jeremias 1:14

“Deus, ku si mon, mara ña pekadus tudu juntu pa forma un korenti ku maradu na ña garganti; i tiran ña forsa. SIÑOR ntregan na mon di kilis ku N ka pudi firma kontra elis.

Miskiñu di Jeremias 1:18

“SIÑOR i justu, ma ami N lanta kontra si mandamentus; Abos, tudu pobu, bo obi, bo jubi ña dur; ña jovens ku bajudas bai pa katiberasku.

Miskiñu di Jeremias 1:8

Jerusalen peka ciu; pabia di kila i bida impuru. Tudu kilis ku rispitalba e njutil, pabia e ojal nun; el propi i jimi, i vira kosta ku borgoña.

Miskiñu di Jeremias 2:21

“Bejus ku nobus dita na reia na ruas; ña rapasis ku bajudas matadu ku spada; bu mata elis na dia di bu raiba, sin sinti pena delis.

Ezekiel 16:38

N na julgau suma ku minjeris ku ta kai cai ta julgadu, ku kilis ku ta darma sangi. Na ña raiba ku siumi N na ntregau pa bu matadu.

Ezekiel 24:7

pabia kulpa di sangi sta dentru del. Ki sangi darmadu riba di pedra sin i ka pudi kubridu ku nada; i ka darmadu riba di con nunde ku reia pudi kubril.

Ezekiel 24:8

N disa ki sangi na pedra pa i ka pudi kubridu, pa lantanda raiba ku vingansa.

Amos 4:10

N manda kastigus kontra bos suma ku N fasi na Ejitu. N mata bo jovens ku spada, N disa bo kabalus bai prezu; N inci bo naris ku mau ceru di bo kampamentus. Ku tudu es, bo ka riba pa mi.” Asin ku SIÑOR fala.

Mikeias 7:13

Ma mundu na bida suma lala pabia di kusas ku kilis ku mora nel fasi.

Mateus 15:14

Bo disa elis; e sedu gias segu. Ora ku un segu gia utru segu, tudu dus ta kai na koba.”

Romanus 11:25

Ermons, N misti pa bo sibi e sigridu, pa bo ka yalsa ombra, kuma ndurusimentu bin riba di Israel pa un tempu markadu, tok numeru di jintius ku na yentra kompleta.

Romanus 11:7

Nta i ke? Kil ku Israel na buska i ka yangasal, ma kilis ku kujidu e yangasal. Ki utrus bida duru.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Pedru 1:9

Kilis ku ka tene e kusas e segu; e ta oja son di pertu; e diskisi kuma e limpadu se pekadu ke fasiba ja.

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.

Apokalipsi 3:17

Bu fala bu sedu riku, bu tene tudu, nada ka faltau; bu ka sibi kuma abo i un koitadi, disgrasadu, pobri, segu i nun.