Sirmonias 9:9 - BIBLIA - traduson antigu in Krioulo

⁹ Si fijus tisi sangi pa el; i moja si dedu na sangi, i pul riba di pontas di altar. Restu di sangi, i darmal na pe di altar.

Sirmonias 9:9 ပူးပေါင်းရင်းမြစ်များ

Ezekiel 43:15

Kau di pui fugu teneba 2 metru di altura. Di la pa riba i teneba kuatru cifri.

Ezekiel 43:20

Bu na toma utru di si sangi, bu pul riba di si kuatru cifri, tambi na kuatru ponta di fiada, ku si borda na roda. Asin bu na purifikal, bu fasil sagradu.

Sirmonias 16:18

“Dipus i na sai, i na bai pa altar ku sta dianti di tenda di SIÑOR, i na fasi sirmonia pa el. I na toma sangi di turusiñu ku sangi di bodi, i na pul riba di tudu pontas di altar.

Sirmonias 4:25

Dipus saserdoti, ku si dedu, i na toma un bokadu di sangi di oferta pa pekadu, i na pul na pontas di altar di oferta kemadu. Ki restu di sangi, i na darmal na pe di altar.

Sirmonias 4:30

Dipus saserdoti, ku si dedu, i na toma un bokadu di ki sangi, i na pul na pontas di altar di oferta kemadu; ki restu di sangi, i na darmal na pe di altar.

Sirmonias 8:15

Moisés matal, i toma sangi, i pui dedu nel, i pul na tudu pontas di altar, pa purifika altar. Dipus i darma restu di sangi na pe di altar. Asin i konsagral pa sakrifisiu pudi fasidu riba del.

Sirmonias 9:10

Gurdura ku rins, ku parti ku sta riba di figadu di oferta pa pekadu, i kemal riba di altar, suma ku SIÑOR daba ordi pa Moisés,

Sirmonias 9:12

Dipus, Aron mata limaria pa oferta kemadu. Si fijus ntregal sangi; i wagal na tudu ladu di altar na roda.

Sirmonias 9:18

Dipus Aron mata ki baka ku karnel macu suma oferta di pas ku seduba di pobu. Si fijus ntregal sangi ki waga na tudu ladu di altar na roda.

Ebreus 2:10

I bon manera ku Deus, ku kumpu i nguenta tudu kusa, i fasi Jesus pirfitu pabia di si sufrimentu, pa i pudi tisi manga di fiju pa gloria. Jesus i kil ku na gia elis pa salbason.