Sirmonias 9:3 - BIBLIA - traduson antigu in Krioulo

³ Dipus bu na fala fijus di Israel: ‘Bo toma un bodi suma oferta pa pekadu, tudu ku fiju di baka ku fiju di karnel, elis dus di un anu, sin difeitu, pa oferta kemadu.

Sirmonias 9:3 ပူးပေါင်းရင်းမြစ်များ

Kumsada 37:31

E toma ki kamisoti bonitu di José, di manga di kor, e mata un kabritu, e tinji ki ropa ku sangi, e mandal pa se pape, e falal: “No oja e ropa. Jubi diritu, bu rapara si i sedu di bu fiju o nau.”

Esdras 10:19

E da se mon pa fala kuma e na dispidi se minjeris; e seta kulpa, e sakrifika un karnel macu di koral pa se kulpa.

Esdras 6:17

Pa dedikason e sakrifika sen turu, duzentus karnel macu, kuatrusentus fiju di karnel, ku dozi kabra macu, un pa kada jorson di Israel, suma oferta pa purdon di pekadu di tudu Israel.

Saida 12:5

Bo pudi kuji fiju di karnel o di kabra, ma i ten ku sedu sin difeitu, macu di un anu.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Sirmonias 10:16

Moisés punta pa bodi di oferta pa pekadu, i diskubri kuma i kemaduba ja tudu; i paña raiba dimas kontra Eleazar ku Itamar, ki dus fiju di Aron ku fika; i punta:

Sirmonias 12:6

“Ora ku dias di si purifikason pa fiju macu o femia kompleta, i na leba un fiju di karnel di un anu pa oferta kemadu, ku un pumba pikininu di kasa, o di matu, suma oferta pa pekadu. I na leba elis pa saserdoti, na entrada di tenda di juntamentu.

Sirmonias 14:10

“Na oitavu dia i na toma tris fiju di karnel, dus macu ku un femia, di un anu, sin difeitu, ku seis litru di foriña finu masadu ku azeiti, pa oferta di kumida, ku mas meiu litru di azeiti.

Sirmonias 16:15

“Dipus i na mata bodi suma oferta pa pekadu di pobu. I na leba si sangi pa dentru di kurtina; i na fasi ku el suma ki fasi ku sangi di turusiñu: i na wagal riba di kubertura di miserikordia, tambi dianti del.

Sirmonias 16:5

I na toma dus bodi di juntamentu di pobu di Israel suma sakrifisiu pa pekadu, ku karnel macu pa oferta kemadu.

Sirmonias 23:12

Na dia ku bo sana ki maradura, bo ta ranja fiju di karnel, sin difeitu, di un anu, suma sakrifisiu kemadu pa SIÑOR.

Sirmonias 4:23

Ora ki mostradu ki pekadu ki fasi, i ten ku leba oferta di un kabra macu sin difeitu.

Sirmonias 4:3

Si un saserdoti unjidu peka, i tisi kulpa riba di pobu, pa ki pekadu ki fasi i ten ku tisi pa SIÑOR un fiju di baka, macu, sin difeitu, suma oferta pa pekadu.

Sirmonias 9:2

i fala Aron: “Toma un turusiñu pa bo suma oferta pa pekadu, ku un karnel macu pa oferta kemadu, tudu dus sin difeitu, bu tisi elis dianti di SIÑOR.

Sirmonias 9:4

Bo na toma tambi un turu ku un karnel macu pa oferta di pas, pa sakrifika dianti di SIÑOR, tudu ku oferta di kumida masadu ku azeiti, pabia aos SIÑOR na parsi bo dianti.’ ”

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.