Sirmonias 8:14 - BIBLIA - traduson antigu in Krioulo

¹⁴ Dipus i ciganta turu pikininu di oferta pa pekadu; Aron ku si fijus pui se mon riba di si kabesa.

Sirmonias 8:14 ပူးပေါင်းရင်းမြစ်များ

Salmus 66:15

N na pursentau limarias gurdu ku karnel macu suma ofertas kemadu ku ta cera sabi; N na sakrifika turus ku kabras. Sela

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Ezekiel 43:19

Bu ten ku da saserdotis, fijus di Levi di jorson di Zadok, ku ta bin pa mi pa sirbin, un fiju di baka pa oferta pa pekadu. Asin ku ami, SIÑOR Deus, N fala.

Ezekiel 43:20

Bu na toma utru di si sangi, bu pul riba di si kuatru cifri, tambi na kuatru ponta di fiada, ku si borda na roda. Asin bu na purifikal, bu fasil sagradu.

Ezekiel 44:27

Na dia ki yentra na kintal di dentru pa bai fasi sirvis na kau sagradu, i na pursenta un oferta pa pekadu. Asin ku ami, SIÑOR Deus, N fala.

Sirmonias 1:4

I na pui si mon riba di kabesa di ki limaria, pa i setadu pa el suma sakrifisiu pa purdon di si pekadu.

Sirmonias 16:21

i na pui tudu si dus mon riba di si kabesa, i na konfesa riba del tudu maldadi di fijus di Israel, ku tudu se pekadu manera ke kebra lei; i na pui kila tudu riba di kabesa di bodi; bodi na ntregadu na mon di un omi ku kujidu pa ki tarbaju, pa i lebal pa lala.

Sirmonias 16:6

“Aron na pursenta ki turusiñu suma oferta pa si propi pekadu, i na fasi sakrifisiu pa el ku si familia.

Sirmonias 4:15

Garandis di juntamentu na pui se mon riba di kabesa di turu dianti di SIÑOR, e na matal na si pursensa.

Sirmonias 8:2

“Tisi Aron ku si fijus, se ropa sagradu, ku azeiti pa unta elis, tudu ku turu pikininu di oferta pa pekadu, ku dus karnel macu, ku sestu di pon sin fermentu.

Numerus 8:12

“Levitas na pui se mon riba di kabesa di ki turus; bu na sakrifika un suma oferta pa pekadu; ki utru na sedu oferta kemadu pa SIÑOR, pa i pudi purda pekadu di levitas.

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.