Sirmonias 7:18 - BIBLIA - traduson antigu in Krioulo

¹⁸ Si karni di ki sakrifisiu di pas kumedu na terseru dia, Deus ka na seta ki algin ku pursental. Si oferta ka na ojadu na si fabur; i na tomadu suma kusa nujenti. Ki algin ku kume kualker parti del i na leba si kulpa.

Sirmonias 7:18 ပူးပေါင်းရင်းမြစ်များ

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Isaias 65:4

E ta sinta na simiterius, e pasa noti na lugaris di difuntus. E ta kume karni di purku; na se pratu e tene kaldu di karni nujenti.

Isaias 66:3

Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.

Jeremias 14:10

Asin ku SIÑOR fala aserka de pobu: “E gosta di yanda lunju di mi, e ka ta mara se pe. E ku manda SIÑOR ka kontenti ku elis, ma i na lembra di se maldadi, i na kastiga se pekadu.”

Jeremias 14:12

Ora ke junjuŋa, N ka na obi se fála; ora ke tisi oferta kemadu ku oferta di kumida, N ka na kontenti ku elis. N na kaba ku elis ku spada, fomi ku duensa.”

Ezekiel 18:20

Algin ku peka, i el ku na muri. Fiju ka na leba kulpa di si pape, nin pape ka na leba kulpa di si fiju. Bondadi di omi bon na fika pa el; maldadi di omi mau na kai riba del.

Oseias 8:13

Ki sakrifisius ke ta patin, e ta mata elis, e kume karni, ma ami, SIÑOR, N ka na seta elis. N na lembra di se maldadi, N na kastiga se pekadus. E na riba pa Ejitu.

Sirmonias 10:17

“Pabia di ke ku bo ka kume oferta pa pekadu na kau sagradu? I un kusa sagradu dimas. SIÑOR dal pa bos, pa tira kulpa di tudu jinti, pa fasi sakrifisiu pa elis dianti di SIÑOR.

Sirmonias 10:19

Aron fala Moisés: “Aos e sakrifika se oferta pa pekadu ku se oferta kemadu dianti di SIÑOR; e kusas inda bin sedu ku mi. Si aos N kumeba oferta pa pekadu, i na seduba diritu na uju di SIÑOR me?”

Sirmonias 11:41

“Tudu bicu ku ta rasta na con i nujenti; i ka na kumedu.

Sirmonias 17:16

Si i ka laba si ropa nin i ka laba kurpu, i na ojadu kulpadu di si pekadu.”

Sirmonias 19:5

“Si bo na pursenta pa SIÑOR un sakrifisiu ku sedu oferta di pas, bo ten ku pursental na manera ku Deus na setal.

Sirmonias 20:17

“Si un omi toma si irma, fiju femia di si pape o si mame, e ten relason seksual, i sedu garandi borgoña. E na tiradu dianti di uju di tudu se pobu. Ki omi disonra si irma; el i ten ku sufri pa ki pekadu.

Sirmonias 20:19

“Ka bu ten relason seksual ku irma di bu mame o di bu pape, pabia de manera algin ta disonra si parenti tokadu; tudu dus na sufri pa se pekadu.

Sirmonias 22:16

E ka na disa kualker algin kume di ki ofertas sagradu, pa si dunu ka bin fika kulpadu, i bin ten ku paga. Ami i SIÑOR ku ta fasi ki oferta pa i sedu sagradu.”

Sirmonias 22:23

Si baka o karnel kirsi kumpridu dimas o i ka kirsi diritu, bo pudi patil pa SIÑOR si bo misti, ma i ka na setadu si bo na fasi votu.

Sirmonias 22:25

Bo ka pudi seta e koldadi limarias na mon di stranjeru, pa pursenta elis suma oferta di kumida pa bo Deus, pabia e tene difeitu, e ka sta formadu diritu. E ka na setadu pa bo fabur.”

Sirmonias 5:17

“Si algin peka, sin i ka sibi, i fasi un kusa ku mandamentus di SIÑOR fala pa ka fasi, i na kulpadu, i na leba si kulpa.

Sirmonias 7:19

“Karni ku toka na algun kusa impuru, i ka na kumedu; i na kemadu ku fugu. Utru karni, kualker algin ku sta puru i pudi kumel.

Amos 5:22

Nin si bo tisin ofertas kemadu ku ofertas di kumida, N ka na kontenti ku elis, nin N ka na jubi pa limarias gurdu ku bo tisi pa ofertas di pas.

Malakias 1:10

SIÑOR ku ten tudu puder fala: “I ta bon ba pa un algin na bo metadi fica portas di templu pa tuji bos peganda fugu na ña altar amonton! N ka sta kontenti ku bos, nin N ka na seta oferta di bo mon.

Malakias 1:13

Bo ta fala tambi: ‘E kansera!’ Bo ta yalsa naris ku disprezu. Bo ta pursenta limaria ku furtadu, o manku o duenti; asin ku bo ta da oferta. Nta ami N na setal na bo mon?” Asin ku SIÑOR ku ten tudu puder punta.

Numerus 18:27

Ki oferta ku bo da i na konsideradu suma miju ku bo masa, tambi suma sumu di uva ku bo pirmi.

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Romanus 4:11

I risibi sirkunsison suma sinal di kuma i sedu justu pabia di si fe antis di i sirkunsidadu, pa i pudi sedu pape di tudu kilis ku fia ku ka sirkunsidadu, pa elis tambi pudi ojadu justu;

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.