Sirmonias 6:6 - BIBLIA - traduson antigu in Krioulo

⁶ Suma oferta, i ten ku leba pa SIÑOR un karnel macu di koral, sin difeitu, konformi balur ku bu pui nel, suma oferta pa kulpa. I na lebal pa saserdoti.

Sirmonias 6:6 ပူးပေါင်းရင်းမြစ်များ

Esdras 10:19

E da se mon pa fala kuma e na dispidi se minjeris; e seta kulpa, e sakrifika un karnel macu di koral pa se kulpa.

Neemias 10:35

Tambi, kada anu, no na tisi purmeru prudutus di no con pa kasa di SIÑOR, ku purmeru fruta di tudu arvuris.

Ezekiel 40:46

Kuartu ku ta jubi pa norti i pa saserdotis ku ten konta di altar. Esis e sedu fijus di Zadok, ku sedu uniku na metadi di fijus di Levi ku pudi ciga pertu di SIÑOR pa sirbi si dianti.”

Sirmonias 14:12

“Saserdoti na toma un di ki fijus macu di karnel, i na pursental suma oferta pa kulpa, ku ki meiu litru di azeiti. I na sana elis suma oferta di sana dianti di SIÑOR.

Sirmonias 5:15

“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

Sirmonias 5:18

I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

Sirmonias 5:7

Si i ka ten manera di ranja fiju di karnel, i na tisi pa SIÑOR dus pumba di matu o dus pumba di kasa pa purdon di ki pekadu ki fasi, un pa oferta pa pekadu, utru pa oferta kemadu.