Sirmonias 5:6 - BIBLIA - traduson antigu in Krioulo

⁶ Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Sirmonias 5:6 ပူးပေါင်းရင်းမြစ်များ

Ezekiel 40:39

Na sala di porton i tenba dus mesa na kada ladu, nunde ke ta mata limarias pa oferta kemadu, pa oferta pa pekadu ku oferta pa kulpa.

Ezekiel 42:13

Omi falan: “Kuartus na ladu di norti ku ladu di sul ku sta dianti di spasu e sedu kuartus di saserdotis nunde ku kilis ku ta ciga pertu di SIÑOR pudi kume ofertas mas sagradu. E na pui la ki ofertas mas sagradu, suma ofertas di kumida ku ofertas pa pekadu i pa kulpa, pabia i kau sagradu.

Ezekiel 44:27

Na dia ki yentra na kintal di dentru pa bai fasi sirvis na kau sagradu, i na pursenta un oferta pa pekadu. Asin ku ami, SIÑOR Deus, N fala.

Sirmonias 4:20

I na fasi ku ki turusiñu suma ki fasi ku turusiñu di oferta pa pekadu. Asin saserdoti na fasi sakrifisiu pa pekadu di pobu; e na purdadu.

Sirmonias 4:28

Ora ki mostradu ki pekadu ki fasi, i ten ku tisi, suma oferta pa pekadu, un kabra femia sin difeitu.

Sirmonias 4:31

I na tira tudu gurdura, suma ku gurdura ta tiradu na oferta di pas. Saserdoti na kemal riba di altar, pa i pudi cera sabi pa SIÑOR. Asin saserdoti na fasi sakrifisiu pa pekadu di ki algin; i na purdadu.

Sirmonias 4:32

Si i tisi fiju di karnel suma oferta pa si pekadu, i ten ku tisi femia sin difeitu.

Sirmonias 4:35

I na tira tudu si gurdura, suma ku gurdura di fiju di karnel di oferta di pas ta tiradu. Saserdoti na kemal na altar riba di ofertas ku kemadu pa SIÑOR. Asin saserdoti na fasi sakrifisiu pa pekadu ku ki algin fasi; i na purdadu.

Sirmonias 6:6

Suma oferta, i ten ku leba pa SIÑOR un karnel macu di koral, sin difeitu, konformi balur ku bu pui nel, suma oferta pa kulpa. I na lebal pa saserdoti.

Numerus 6:12

I na separa pa SIÑOR pa numeru di dias ki dedikaba na kumsada; ki dias ku pasa e pirdi tudu, manera ku si nazireadu kontaminaduba. I na leba fiju di karnel di un anu pa si kulpa pudi purdadu.