Sirmonias 5:17 - BIBLIA - traduson antigu in Krioulo

¹⁷ “Si algin peka, sin i ka sibi, i fasi un kusa ku mandamentus di SIÑOR fala pa ka fasi, i na kulpadu, i na leba si kulpa.

Sirmonias 5:17 ပူးပေါင်းရင်းမြစ်များ

Salmus 19:12

Kin ku pudi oja si propi erus? SIÑOR, purdan kilis ku N ka nota.

Sirmonias 4:13

Si tudu juntamentu di Israel yara, e fasi un kusa ku mandamentu di SIÑOR fala pa ka fasi, nin si e ka sibi kuma e na fasi mal, e sta kulpadu.

Sirmonias 4:22

Si un ŝef peka sin i ka spera, i fasi kusa ku mandamentus di SIÑOR si Deus fala pa ka fasi, i sta kulpadu.

Sirmonias 4:27

Si kualker algin di pobu peka, sin i ka spera, i fasi un kusa ku mandamentu di SIÑOR fala pa ka fasi, i sta kulpadu.

Sirmonias 5:15

“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

Sirmonias 5:18

I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

Sirmonias 5:19

Es i oferta di kulpa, suma ki algin torna kulpadu dianti di SIÑOR.”

Lukas 12:48

ma kil ku ka sibi, i fasi kusa ku mersi kastigu, i ta dadu puku suti. Kil ku dadu ciu i ta pididu ciu; kil ku ntregadu ciu i na pididu mas ciu.

Romanus 14:23

ma kil ku ten duvida, si i kume, i sta kondenadu, pabia i ka na kume ku fe. Tudu ku ka bin di fe i pekadu.