Sirmonias 5:16 - BIBLIA - traduson antigu in Krioulo

¹⁶ Asin i na paga kil ki ka pagaba pa si dever na kusas sagradu; inda i na buri mas kintu parti; i na dal pa saserdoti. Asin saserdoti na sakrifika ki karnel macu suma oferta pa kulpa; si dunu na purdadu si pekadu.

Sirmonias 5:16 ပူးပေါင်းရင်းမြစ်များ

Salmus 69:4

Kilis ku ten odiu di mi sin roson e mas ciu di ki kabelus di ña kabesa; Kilis ku misti matan e ten forsa, e sedu ña inimigus pa mintida, tok N ten ku torna kil ku N ka furta.

Saida 22:1

“Si algin furta turu o karnel, i matal o i bindil, i na paga sinku turu pa ki un son; pa karnel i na paga kuatru.

Sirmonias 22:14

“Si algin yara i kume kusa sagradu, i ten ku paga saserdoti utru kumida na konta di kila; i na buri inda un kintu parti pa i dal.

Sirmonias 27:13

Si si dunu misti torna kumpra ki limaria, i ten ku paga ki pres ku mas un kintu.

Sirmonias 27:15

Si ki omi ku dedika kasa bin misti kumpral mas, i na buri un kintu riba di pres; kasa na torna sedu di sil.

Sirmonias 27:27

Si i sedu un limaria impuru, si dunu na torna kumpral, konformi pres ku bu pui, ma i na buri un kintu riba di si balur. Si i ka torna kumpral, limaria pudi bindidu konformi balur ku bu pui.

Sirmonias 27:31

Si un algin torna kumpra kualker parti di si dizimu, i ten ku buri un kintu parti riba di si balur.

Sirmonias 4:20

I na fasi ku ki turusiñu suma ki fasi ku turusiñu di oferta pa pekadu. Asin saserdoti na fasi sakrifisiu pa pekadu di pobu; e na purdadu.

Sirmonias 4:26

I na kema tudu gurdura na altar, suma ki kema gurdura di oferta di pas. Asin saserdoti na fasi sakrifisiu pa pekadu di ki omi; i na purdadu.

Sirmonias 5:10

Dipus saserdoti na sakrifika ki utru pumba suma oferta kemadu, konformi kustumu. Asin i na fasi sakrifisiu pa pekadu ku ki omi fasi; i na purdadu.

Sirmonias 5:13

Asin saserdoti na fasi sakrifisiu pa el, pa kualker pekadu ki fasi; i na purdadu. Restu di oferta na sedu di saserdoti, suma ki ta fasidu ku oferta di kumida.

Sirmonias 5:6

Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Sirmonias 7:2

Na kau nunde ku limaria ta matadu pa oferta kemadu, la ku limaria di oferta pa kulpa na matadu tambi; si sangi na wagadu na tudu ladu di altar.

Numerus 5:7

I ten ku konfesa pekadu ki fasi, i paga tudu ki dibi di paga pa si kulpa, i buri mas un kintu parti, i da tudu pa ki algin ki yara.

Numerus 5:8

Ma si ki algin ki yara muri ja, i ka tene parenti ku ten diritu di risibi ki diñeru, ki kulpadu na da SIÑOR el; i na bai pa saserdoti. Ki pagamentu i ka na juntu ku ki karnel ki na leba pa saserdoti pudi sakrifikal, pa ki pekadu purdadu.

Lukas 19:8

Zakeu lanta, i fala Siñor: “Jubi, Siñor, N na da pobris metadi di ña rikesa. Si kontra N ngana algin na kualker kusa, N sta pruntu pa tornal kuatru bias mas.”

Atus 26:20

ma N bai purmeru pa jinti di Damasku, dipus pa jinti di Jerusalen, ku tudu tera di Judeia, tambi pa jintius, N konta elis pa e ripindi, e konverti pa Deus, e yanda na manera ku ta mostra se ripindimentu.

1 Samuel 6:3

E fala: “Si bo na ribanta arka di Deus di Israel, bo ka na ribantal sin nada, ma sin falta bo na manda SIÑOR un oferta pa tira bo kulpa. Asin bo na kuradu, bo na bin sibi pabia di ke ki ka tira si mon riba di bos.”