Sirmonias 5:15 - BIBLIA - traduson antigu in Krioulo

¹⁵ “Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macu di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

Sirmonias 5:15 ပူးပေါင်းရင်းမြစ်များ

2 Reis 12:16

Diñeru ku ta kumpañaba oferta di kulpa ku oferta di pekadu i ka ta lebadu pa kasa di SIÑOR, ma i ta baiba pa saserdotis.

Esdras 10:19

E da se mon pa fala kuma e na dispidi se minjeris; e seta kulpa, e sakrifika un karnel macu di koral pa se kulpa.

Saida 30:13

Tudu kil ku pasa na rolamentu i ten ku da metadi di un siklu di prata, konformi siklu ofisial di kau sagradu (un siklu i sedu vinti jera). Ki metadi di siklu i oferta pa SIÑOR.

Ezekiel 40:39

Na sala di porton i tenba dus mesa na kada ladu, nunde ke ta mata limarias pa oferta kemadu, pa oferta pa pekadu ku oferta pa kulpa.

Sirmonias 1:10

“Si i misti pursenta karnel o kabra di si koral pa oferta kemadu, i ten ku pursenta macu sin difeitu.

Sirmonias 1:3

Si i na pursenta un di si bakas suma oferta kemadu, i ten ku da un macu sin difeitu; i na pursental na entrada di tenda di juntamentu, pa SIÑOR pudi seta si dunu.

Sirmonias 14:12

“Saserdoti na toma un di ki fijus macu di karnel, i na pursental suma oferta pa kulpa, ku ki meiu litru di azeiti. I na sana elis suma oferta di sana dianti di SIÑOR.

Sirmonias 27:3

Si i un macu di idadi di vinti te sesenta anu, bu na pui balur di sinkuenta mueda di prata konformi mueda di siklu di kau sagradu.

Sirmonias 4:2

pa i konta fijus di Israel regras pa algin ku peka kontra kualker mandamentu di SIÑOR sin i ka spera, i fasi kusa ku mandamentu fala pa ka no fasi.

Sirmonias 5:14

SIÑOR fala Moisés:

Sirmonias 5:16

Asin i na paga kil ki ka pagaba pa si dever na kusas sagradu; inda i na buri mas kintu parti; i na dal pa saserdoti. Asin saserdoti na sakrifika ki karnel macu suma oferta pa kulpa; si dunu na purdadu si pekadu.

Sirmonias 5:18

I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

Sirmonias 6:6

Suma oferta, i ten ku leba pa SIÑOR un karnel macu di koral, sin difeitu, konformi balur ku bu pui nel, suma oferta pa kulpa. I na lebal pa saserdoti.

Sirmonias 7:1

“Es i lei di oferta pa kulpa ku sedu un kusa sagradu dimas.

Sirmonias 7:6

Kualker macu na familia di saserdotis pudi kumel, ma i ten ku kumel na un kau sagradu. I sedu un kusa sagradu dimas.

Numerus 15:24

si ki kusa fasidu ku eru, sin kumunidadi ka nota pa el, tudu pobu ten ku da un turu pikininu suma oferta kemadu ku ta cera sabi pa SIÑOR, juntu ku si oferta di kumida ku oferta di bibida konformi regras. E na sakrifika tambi un bodi, pa ki pekadu pudi purdadu.

Numerus 5:5

SIÑOR papia mas ku Moisés, i falal

Numerus 5:8

Ma si ki algin ki yara muri ja, i ka tene parenti ku ten diritu di risibi ki diñeru, ki kulpadu na da SIÑOR el; i na bai pa saserdoti. Ki pagamentu i ka na juntu ku ki karnel ki na leba pa saserdoti pudi sakrifikal, pa ki pekadu purdadu.

Ripitison di Lei 12:26

Bu kusas sagradu, ku ofertas ku bu fala bu na da, bu na leba elis na kau ku SIÑOR kuji.

1 Samuel 6:3

E fala: “Si bo na ribanta arka di Deus di Israel, bo ka na ribantal sin nada, ma sin falta bo na manda SIÑOR un oferta pa tira bo kulpa. Asin bo na kuradu, bo na bin sibi pabia di ke ki ka tira si mon riba di bos.”