Sirmonias 4:4 - BIBLIA - traduson antigu in Krioulo

⁴ I na tisi ki turu pikininu na entrada di tenda di juntamentu dianti di SIÑOR. I na pui si mon riba di kabesa di ki turu, i na matal dianti di SIÑOR.

Sirmonias 4:4 ပူးပေါင်းရင်းမြစ်များ

2 Kronikas 29:23

Dipus e toma ki kabras macu, ku sedu pa purdon di pekadu, e leba elis dianti di rei ku juntamentu; kilas pui se mon riba delis.

Isaias 53:6

Anos tudu no yandaba saklatadu suma karnel; kada kin ta disviaba pa si ladu, ma SIÑOR pui pa pekadu di nos tudu kai riba del.

Daniel 9:26

Ora ku ki kuatrusentus i trinta i kuatru anu kaba, kil ku Deus kuji na matadu; i ka na tene nada. Pobu di un ŝef ku na bin e na kaba ku prasa ku kau sagradu. Si kabantada na sedu suma yagu di diluviu. Gera na ten te na fin. Garandi danu markadu.

Sirmonias 16:21

i na pui tudu si dus mon riba di si kabesa, i na konfesa riba del tudu maldadi di fijus di Israel, ku tudu se pekadu manera ke kebra lei; i na pui kila tudu riba di kabesa di bodi; bodi na ntregadu na mon di un omi ku kujidu pa ki tarbaju, pa i lebal pa lala.

Sirmonias 4:15

Garandis di juntamentu na pui se mon riba di kabesa di turu dianti di SIÑOR, e na matal na si pursensa.

Sirmonias 4:29

I na pui si mon riba di kabesa di oferta pa pekadu, i na matal na kau di oferta kemadu.

Sirmonias 8:14

Dipus i ciganta turu pikininu di oferta pa pekadu; Aron ku si fijus pui se mon riba di si kabesa.

Numerus 8:12

“Levitas na pui se mon riba di kabesa di ki turus; bu na sakrifika un suma oferta pa pekadu; ki utru na sedu oferta kemadu pa SIÑOR, pa i pudi purda pekadu di levitas.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.