Sirmonias 4:31 - BIBLIA - traduson antigu in Krioulo

³¹ I na tira tudu gurdura, suma ku gurdura ta tiradu na oferta di pas. Saserdoti na kemal riba di altar, pa i pudi cera sabi pa SIÑOR. Asin saserdoti na fasi sakrifisiu pa pekadu di ki algin; i na purdadu.

Sirmonias 4:31 ပူးပေါင်းရင်းမြစ်များ

Kumsada 8:21

SIÑOR sinti ki ceru sabi, i fala na si korson: “Nunka mas N ka na maldisua tera pabia di omi, nin ku si korson ta jingi sempri pa mal, disna di si mininesa. N ka na torna mata tudu kriatura bibu, suma ku N fasi.

Esdras 6:10

pa e pudi pursenta sakrifisius ku ta cera sabi pa Deus di seu, pa e ora pa vida di rei ku si fijus.

Jo 42:8

Bo toma seti fiju di baka ku seti karnel macu, bo bai pa ña servu Jo, bo pursenta oferta kemadu pa bos. Ña servu Jo na ora pa bos; N na seta si orason, pa N ka trata bos konformi bo tulesa, pabia bo ka fala kusas retu aserka di mi suma ña servu Jo.”

Saida 29:18

Dipus, bu na kema tudu karni di karnel riba di altar; i oferta kemadu ku ta cera sabi, oferta ku pasadu na fugu pa SIÑOR.

Isaias 42:21

Manera ki sedu justu, SIÑOR pui sintidu pa fasi si lei garandi i gloriosu.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Sirmonias 1:13

Partis di dentru ku pernas ten ku labadu ku yagu; saserdoti na pursental tudu, i na kemal riba di altar. I na sedu oferta kemadu, pasadu na fugu, ku ta cera sabi dianti di SIÑOR.

Sirmonias 1:17

I na pega na si asas, i findil, ma i ka na kaba kebral. Dipus saserdoti na kemal na fugu di leña ku sta na altar. I na sedu oferta kemadu, pasadu na fugu, ku ta cera sabi dianti di SIÑOR.

Sirmonias 1:9

Partis di dentru ku si pernas e na labadu ku yagu; saserdotis na kema tudu ki partis riba di altar; i na sedu oferta kemadu, pasadu na fugu, ku ta cera sabi dianti di SIÑOR.

Sirmonias 14:18

Kil ku sobra di azeiti ku sta na si mon, i na pul riba di kabesa di kil ku na purifikadu. Asin, saserdoti na fasi sakrifisiu pa pekadu di ki algin dianti di SIÑOR.

Sirmonias 15:15

Saserdoti ten ku sakrifika elis, un son suma oferta pa pekadu, utru pa oferta kemadu. Asin i na kompleta sakrifisiu dianti di SIÑOR pa purifikason di ki omi pabia di kusa ku na saiba na si kurpu.

Sirmonias 19:22

Ku ki karnel di oferta pa kulpa, saserdoti na fasi sirmonia pa el dianti di SIÑOR pa ki pekadu ki fasi; ki pekadu na purdadu.

Sirmonias 2:2

I na lebal pa saserdotis, fijus di Aron. Un delis na toma un bokadu di foriña finu ku azeiti, ku tudu nsensu, i na kemal na altar suma lembransa, oferta pasadu na fugu ku ta cera sabi dianti di SIÑOR.

Sirmonias 2:9

Saserdoti na toma parti di ki oferta di kumida, i na kemal riba di altar suma lembransa. I ta sedu oferta ku pasadu na fugu, ku ta cera sabi dianti di SIÑOR.

Sirmonias 4:19

I na tira tudu gurdura nel, i na kemal riba di altar.

Sirmonias 4:26

I na kema tudu gurdura na altar, suma ki kema gurdura di oferta di pas. Asin saserdoti na fasi sakrifisiu pa pekadu di ki omi; i na purdadu.

Sirmonias 4:35

I na tira tudu si gurdura, suma ku gurdura di fiju di karnel di oferta di pas ta tiradu. Saserdoti na kemal na altar riba di ofertas ku kemadu pa SIÑOR. Asin saserdoti na fasi sakrifisiu pa pekadu ku ki algin fasi; i na purdadu.

Sirmonias 5:10

Dipus saserdoti na sakrifika ki utru pumba suma oferta kemadu, konformi kustumu. Asin i na fasi sakrifisiu pa pekadu ku ki omi fasi; i na purdadu.

Sirmonias 5:6

Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Numerus 15:25

Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.

Mateus 3:17

Un vos di seu fala: “Es i ña Fiju ku N kiri ciu. N ten garandi kontentamentu nel.”

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 10:12

ma Kristu pursenta sakrifisiu pa pekadu un bias pa sempri; dipus, i sinta na mon direita di Deus,

Ebreus 10:14

Son ku ki un oferta i purifika ntidu kilis ku santifikadu.

Ebreus 9:12

Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertason pa nos pa sempri.

1 Jon 1:7

Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.