Sirmonias 4:3 - BIBLIA - traduson antigu in Krioulo

³ Si un saserdoti unjidu peka, i tisi kulpa riba di pobu, pa ki pekadu ki fasi i ten ku tisi pa SIÑOR un fiju di baka, macu, sin difeitu, suma oferta pa pekadu.

Sirmonias 4:3 ပူးပေါင်းရင်းမြစ်များ

2 Kronikas 29:21

E leba seti turu, seti karnel macu, seti karnelsiñu ku seti kabra macu, pa purdon di pekadu di rei ku si familia ku pobu di Judá, tambi pa purifika kau sagradu. Rei da ordi pa saserdotis di jorson di Aron pa e pursenta ki ofertas na altar di SIÑOR.

Esdras 8:35

Kilis ku riba di katiberasku e kema ofertas pa Deus di Israel: 12 turu pa tudu Israel, 96 karnel macu, 77 fiju di karnel, ku 12 kabra macu suma oferta pa pekadu. Kila tudu kemadu pa SIÑOR.

Saida 29:14

Ma karni di turu ku si kuru ku si partis di dentru, kemal ku fugu fora di kampamentu; i oferta pa pekadu.

Saida 29:21

Toma utru di ki sangi ku sta riba di altar, ku azeiti di unson, bu wagal riba di Aron ku si ropa, ku si fijus ku se ropa. Asin Aron ku si fijus ku se ropa e na separadu.

Saida 29:7

Toma azeiti di unson, bu darmal riba di si kabesa. Asin ku bu na unjil.

Saida 30:10

Un bias na kada anu Aron ten ku fasi sirmonia pa purifika altar; i ten ku pui na si kuatru cifri sangi di limarias ku sakrifikadu pa purdon di pekadu. Es ten ku fasidu kada anu pa sempri. I un kusa sagradu dimas pa SIÑOR.”

Ezekiel 40:39

Na sala di porton i tenba dus mesa na kada ladu, nunde ke ta mata limarias pa oferta kemadu, pa oferta pa pekadu ku oferta pa kulpa.

Ezekiel 43:19

Bu ten ku da saserdotis, fijus di Levi di jorson di Zadok, ku ta bin pa mi pa sirbin, un fiju di baka pa oferta pa pekadu. Asin ku ami, SIÑOR Deus, N fala.

Ezekiel 44:27

Na dia ki yentra na kintal di dentru pa bai fasi sirvis na kau sagradu, i na pursenta un oferta pa pekadu. Asin ku ami, SIÑOR Deus, N fala.

Sirmonias 1:10

“Si i misti pursenta karnel o kabra di si koral pa oferta kemadu, i ten ku pursenta macu sin difeitu.

Sirmonias 1:3

Si i na pursenta un di si bakas suma oferta kemadu, i ten ku da un macu sin difeitu; i na pursental na entrada di tenda di juntamentu, pa SIÑOR pudi seta si dunu.

Sirmonias 16:11

“Aron na ciganta turusiñu ku na sedu oferta pa si propi pekadu; i na matal, i sakrifikal pa si kabesa ku si familia.

Sirmonias 16:3

“Asin ku Aron na yentra na kau sagradu, ku un turusiñu suma oferta pa pekadu, ku karnel macu pa oferta kemadu.

Sirmonias 16:5

I na toma dus bodi di juntamentu di pobu di Israel suma sakrifisiu pa pekadu, ku karnel macu pa oferta kemadu.

Sirmonias 16:6

“Aron na pursenta ki turusiñu suma oferta pa si propi pekadu, i na fasi sakrifisiu pa el ku si familia.

Sirmonias 4:14

Ora ke bin rapara ki pekadu ke fasi, juntamentu di pobu na leba fiju di baka macu suma oferta pa pekadu; e na pursental dianti di tenda di juntamentu.

Sirmonias 4:23

Ora ki mostradu ki pekadu ki fasi, i ten ku leba oferta di un kabra macu sin difeitu.

Sirmonias 4:28

Ora ki mostradu ki pekadu ki fasi, i ten ku tisi, suma oferta pa pekadu, un kabra femia sin difeitu.

Sirmonias 4:5

Dipus, ki saserdoti unjidu na toma un bokadu di ki sangi di turu, i lebal pa tenda di juntamentu.

Sirmonias 5:6

Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Sirmonias 6:18

Tudu macu di familia di Aron na kumel. I na sedu se parti di ofertas kemadu pa SIÑOR, di un jorson pa utru pa sempri. Tudu kil ku toka nel i na sedu sagradu.”

Sirmonias 8:12

I darma utru di ki azeiti sagradu riba di kabesa di Aron, i unjil pa separal pa Deus.

Sirmonias 9:2

i fala Aron: “Toma un turusiñu pa bo suma oferta pa pekadu, ku un karnel macu pa oferta kemadu, tudu dus sin difeitu, bu tisi elis dianti di SIÑOR.

Sirmonias 9:3

Dipus bu na fala fijus di Israel: ‘Bo toma un bodi suma oferta pa pekadu, tudu ku fiju di baka ku fiju di karnel, elis dus di un anu, sin difeitu, pa oferta kemadu.

Numerus 16:22

Moisés ku Aron e mpina se rostu pa con, e fala: “O Deus, Deus ku sedu fonti di vida di tudu jinti! Si un omi peka, bu na paña raiba di tudu e pobu?”

Numerus 8:8

Dipus e na toma un turu nobu ku si oferta di foriña finu masadu ku azeiti; bu na toma utru turu nobu pa sakrifika pa purdon di pekadu.

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Ebreus 5:3

I pabia des ki dibi di fasi sakrifisiu pa pekadu; i ka son pa pobu, ma tambi pa si kabesa.

Ebreus 9:12

Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertason pa nos pa sempri.