Sirmonias 4:26 - BIBLIA - traduson antigu in Krioulo

²⁶ I na kema tudu gurdura na altar, suma ki kema gurdura di oferta di pas. Asin saserdoti na fasi sakrifisiu pa pekadu di ki omi; i na purdadu.

Sirmonias 4:26 ပူးပေါင်းရင်းမြစ်များ

2 Kronikas 29:24

Saserdotis mata ki kabras, e waga se sangi riba di altar suma oferta pa purdon di pekadu di tudu Israel, pabia rei daba ordi pa e pursenta oferta kemadu ku oferta pa purdon di pekadu pa tudu Israel.

Ezekiel 43:22

“Na sugundu dia bu na da oferta di un kabra macu, sin difeitu, suma oferta pa pekadu; e na purifika altar, suma ke purifikal ku ki baka nobu.

Sirmonias 1:4

I na pui si mon riba di kabesa di ki limaria, pa i setadu pa el suma sakrifisiu pa purdon di si pekadu.

Sirmonias 12:8

“Si i ka ten manera di yangasa fiju di karnel, i na leba dus pumba di matu o dus pumba pikininu di kasa, un pa oferta kemadu, utru suma oferta pa pekadu. Asin saserdoti na fasi sakrifisiu pa si pekadu; i na fika puru.”

Sirmonias 14:18

Kil ku sobra di azeiti ku sta na si mon, i na pul riba di kabesa di kil ku na purifikadu. Asin, saserdoti na fasi sakrifisiu pa pekadu di ki algin dianti di SIÑOR.

Sirmonias 15:15

Saserdoti ten ku sakrifika elis, un son suma oferta pa pekadu, utru pa oferta kemadu. Asin i na kompleta sakrifisiu dianti di SIÑOR pa purifikason di ki omi pabia di kusa ku na saiba na si kurpu.

Sirmonias 17:11

Vida di un kriatura sta na sangi; N dau el pa bu pudi fasi sirmonia ku el riba di altar, pabia sangi, ku sedu vida, el ku ta tira pekadu.

Sirmonias 19:22

Ku ki karnel di oferta pa kulpa, saserdoti na fasi sirmonia pa el dianti di SIÑOR pa ki pekadu ki fasi; ki pekadu na purdadu.

Sirmonias 3:5

Fijus di Aron na kema ki partis na altar, riba di oferta kemadu ku sta na fugu di leña, pa i sedu oferta pasadu na fugu, ku ta cera sabi pa SIÑOR.

Sirmonias 4:19

I na tira tudu gurdura nel, i na kemal riba di altar.

Sirmonias 4:20

I na fasi ku ki turusiñu suma ki fasi ku turusiñu di oferta pa pekadu. Asin saserdoti na fasi sakrifisiu pa pekadu di pobu; e na purdadu.

Sirmonias 4:31

I na tira tudu gurdura, suma ku gurdura ta tiradu na oferta di pas. Saserdoti na kemal riba di altar, pa i pudi cera sabi pa SIÑOR. Asin saserdoti na fasi sakrifisiu pa pekadu di ki algin; i na purdadu.

Sirmonias 4:35

I na tira tudu si gurdura, suma ku gurdura di fiju di karnel di oferta di pas ta tiradu. Saserdoti na kemal na altar riba di ofertas ku kemadu pa SIÑOR. Asin saserdoti na fasi sakrifisiu pa pekadu ku ki algin fasi; i na purdadu.

Sirmonias 5:10

Dipus saserdoti na sakrifika ki utru pumba suma oferta kemadu, konformi kustumu. Asin i na fasi sakrifisiu pa pekadu ku ki omi fasi; i na purdadu.

Sirmonias 5:13

Asin saserdoti na fasi sakrifisiu pa el, pa kualker pekadu ki fasi; i na purdadu. Restu di oferta na sedu di saserdoti, suma ki ta fasidu ku oferta di kumida.

Sirmonias 5:16

Asin i na paga kil ki ka pagaba pa si dever na kusas sagradu; inda i na buri mas kintu parti; i na dal pa saserdoti. Asin saserdoti na sakrifika ki karnel macu suma oferta pa kulpa; si dunu na purdadu si pekadu.

Sirmonias 5:18

I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

Sirmonias 6:7

Saserdoti na fasi sakrifisiu pa el dianti di SIÑOR; i na purdadu kualker de kusas ki fasi ku pul i sedu kulpadu.”

Numerus 15:25

Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.

Numerus 15:28

Saserdoti na sakrifika ki limaria pa SIÑOR na konta di ki algin ku yara. Dipus di sakrifisiu fasidu, i na purdadu.