Sirmonias 4:18 - BIBLIA - traduson antigu in Krioulo

¹⁸ I na pui utru parti di ki sangi na pontas di altar ku sta dianti di SIÑOR na tenda di juntamentu. Tudu restu di sangi, i na darmal na pe di altar di oferta kemadu ku sta na entrada di tenda di juntamentu.

Sirmonias 4:18 ပူးပေါင်းရင်းမြစ်များ

2 Kronikas 29:22

Purmeru e mata turus, dipus karnel macu, dipus ki karnelsiñus; saserdotis toma sangi di kada grupu de limaria, e wagal na altar.

Saida 29:12

Dipus bu na toma sangi di turu; ku bu dedu bu na pul na cifris di altar. Restu di sangi, bu na darmal na pe di altar.

Saida 30:10

Un bias na kada anu Aron ten ku fasi sirmonia pa purifika altar; i ten ku pui na si kuatru cifri sangi di limarias ku sakrifikadu pa purdon di pekadu. Es ten ku fasidu kada anu pa sempri. I un kusa sagradu dimas pa SIÑOR.”

Sirmonias 4:25

Dipus saserdoti, ku si dedu, i na toma un bokadu di sangi di oferta pa pekadu, i na pul na pontas di altar di oferta kemadu. Ki restu di sangi, i na darmal na pe di altar.

Sirmonias 4:30

Dipus saserdoti, ku si dedu, i na toma un bokadu di ki sangi, i na pul na pontas di altar di oferta kemadu; ki restu di sangi, i na darmal na pe di altar.

Sirmonias 4:34

Dipus saserdoti, ku si dedu, i na toma un bokadu di sangi di ki oferta pa pekadu, i na pul na pontas di altar di oferta kemadu. Ki restu di sangi, i na darmal na pe di altar.

Sirmonias 4:7

Saserdoti na pui un parti di sangi na pontas di altar di nsensu ku ta cera sabi, ku sta na tenda di juntamentu, dianti di SIÑOR. Ki restu di sangi, i na darmal na pe di altar di oferta kemadu ku sta na entrada di tenda di juntamentu.

Sirmonias 5:9

I na waga utru sangi di oferta na ladu di altar, ma kil ku sobra, i na pirmil na pe di altar. Es i sedu oferta pa pekadu.

Sirmonias 6:30

Ma nin un oferta pa pekadu ku si sangi lebadu na tenda di juntamentu, na lugar sagradu, pa sedu sakrifisiu pa pekadu, i ka na kumedu; i na kemadu na fugu.

Sirmonias 8:15

Moisés matal, i toma sangi, i pui dedu nel, i pul na tudu pontas di altar, pa purifika altar. Dipus i darma restu di sangi na pe di altar. Asin i konsagral pa sakrifisiu pudi fasidu riba del.

Sirmonias 9:9

Si fijus tisi sangi pa el; i moja si dedu na sangi, i pul riba di pontas di altar. Restu di sangi, i darmal na pe di altar.