Sirmonias 3:13 - BIBLIA - traduson antigu in Krioulo

¹³ I na pui mon riba di si kabesa, i na matal dianti di tenda di juntamentu. Fijus di Aron na waga si sangi na tudu ladu di altar na roda.

Sirmonias 3:13 ပူးပေါင်းရင်းမြစ်များ

Isaias 52:15

Asin, di mesmu manera, manga di nason na dimira ku el; reis na fica se boka pabia del, pabia e na oja kil ke ka kontaduba, e na ntindi kil ke ka obiba.

Isaias 53:6

Anos tudu no yandaba saklatadu suma karnel; kada kin ta disviaba pa si ladu, ma SIÑOR pui pa pekadu di nos tudu kai riba del.

Sirmonias 1:4

I na pui si mon riba di kabesa di ki limaria, pa i setadu pa el suma sakrifisiu pa purdon di si pekadu.

Sirmonias 3:12

“Si i na pursenta un kabra, i na pursental dianti di SIÑOR.

Sirmonias 3:14

Di ki oferta ki da, i ten ku tira utru pa oferta kemadu pa SIÑOR, ku sedu: tudu gurdura ku kubri partis di dentru o ku sta ligadu ku elis,

Sirmonias 3:8

I na pui si mon riba di kabesa di si oferta; i na matal dianti di tenda di juntamentu. Fijus di Aron na waga si sangi na tudu ladu di altar na roda.

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Ebreus 12:24

pa Jesus ku ranja nobu kontratu entri nos ku Deus, pa sangi ku wagadu, ku ta fala minjor di ki sangi di Abel.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.