Sirmonias 27:26 - BIBLIA - traduson antigu in Krioulo

²⁶ “Ningin ka pudi dedika purmeru fiju di un limaria, pabia purmeru fiju sedu ja di SIÑOR; nin ki sedu fiju di baka, o di karnel, i di SIÑOR.

Sirmonias 27:26 ပူးပေါင်းရင်းမြစ်များ

2 Reis 7:5

E lanta na fuska-fuska, e bai pa kampamentu di sirianus, e ciga na entrada, ma ningin ka staba la,

Neemias 10:36

Konformi i sta skritu na lei, no na leba no purmeru fijus, ku purmeru fijus di no limarias, no baka ku no karnel, pa kasa di no Deus, pa saserdotis ku ta sirbi la.

Saida 13:2

“Dedika pa mi tudu purmeru fiju macu ku si mame padi, pabia tudu purmeru fiju di pobu di Israel i di mi, mesmu ki di omi o di limaria.”

Saida 22:30

Asin ku bu na fasi ku bu bakas ku karnelis. E na sta ku se mame seti dia; na oitavu dia bu ta tisin elis.

Sirmonias 27:27

Si i sedu un limaria impuru, si dunu na torna kumpral, konformi pres ku bu pui, ma i na buri un kintu riba di si balur. Si i ka torna kumpral, limaria pudi bindidu konformi balur ku bu pui.

Numerus 18:17

“Ma ka bu seta pagamentu di troka di purmeru fiju di baka, nin di karnel nin di kabra, pabia i sagradu. Bu na waga se sangi riba di altar, bu na kema se gurdura suma oferta ku ta cera sabi pa SIÑOR.

Numerus 3:13

pabia tudu purmeru fiju i di mi. Disna di ki dia ku N mata tudu purmeru fijus na tera di Ejitu, N marka pa mi tudu purmeru fiju na Israel, di omi o di limaria; e na sedu di mi. Ami N sedu SIÑOR.”

Ripitison di Lei 15:19

Tudu limaria macu ku sedu purmeru fiju di si mame, na metadi di bu bakas ku karnel, bu na pul aparti pa SIÑOR bu Deus. Turu ku sedu purmeru fiju di si mame, bu ka na pul tarbaja, nin bu ka na tiskia purmeru fiju di bu karnel.