Sirmonias 26:6 - BIBLIA - traduson antigu in Krioulo

⁶ “N na da pas na tera; bo na dita; ningin ka na pantanda bos. N na tira limarias brabu na tera; gera ka na pasa mas na bo con.

Sirmonias 26:6 ပူးပေါင်းရင်းမြစ်များ

2 Reis 2:24

I vira pa tras, i jubi elis, i maldisua elis na nomi di SIÑOR. Ki ora dus ursu femia sai na matu, e padasa korenta i dus di ki jovens.

1 Kronikas 22:9

Bu na padi un fiju ku na sedu omi di diskansu, pabia ami N na dal diskansu di tudu si inimigus na si roda. Si nomi na sedu Salomon; N na da pas ku diskansu pa Israel na dias di si renansa.

2 Kronikas 20:30

Asin renu di Jeosafá fika susegadu; si Deus dal diskansu na tudu ladu.

Jo 11:19

Bu na dita, ningin ka na pantandau. Manga di jinti na bin buska bu ajuda.

Jo 5:23

Bu na tene kontratu ku pedras di lugar; limarias di matu na sedu bu amigus.

Salmus 144:14

No turus na sedu forti pa tarbaju; bariga di bakas ka na dana. I ka na ten gritus di miskiñu na no ruas.

Salmus 147:14

I ta pui pas na bu fronteras, i fartanda bos ku foriña finu.

Salmus 29:11

SIÑOR na da forsa pa si pobu; i na bensua elis ku pas.

Salmus 3:5

N ta dita, N durmi; N ta korda, pabia SIÑOR ta suguran.

Salmus 4:8

N na dita, N durmi ku pas, pabia i abo son, SIÑOR, ku fasin pa N mora suguru.

Salmus 85:8

N na sukuta ke ku SIÑOR Deus na fala; i na papia di pas pa si pobu, ku sedu si jinti sagradu, ma ka e riba mas pa tulesa de!

Saida 23:29

N ka na tira elis fora bu dianti dentru di un anu, pa ka tera bida lala; limarias brabu ta bin ciu, e lanta kontra bo.

Ditus 3:24

Ora ku bu dita, bu ka na ten medu; sin, bu na dita, bu na tene sonu sabi.

Ditus 6:22

Ora ku bu na yanda, e na giau; ora ku bu na dita, e na guardau; ora ku bu korda, e na papia ku bo.

Isaias 35:8

I na ten un strada la na kau altu ku na comadu Kamiñu di Puresa. Kil ku ka puru ka na pasa nel. Kilis ku na yanda nel, nin si e ka muitu jiru, e ka na yara.

Isaias 35:9

Lion ka na ten la; limarias brabu ka na subi pa la, nin e ka na ojadu la, ma kilis ku SIÑOR liberta, elis ku na yanda la.

Isaias 45:7

N forma klaridadi ku sukuru; N ta pui pa kusa kuri diritu, o i kuri mal. Ami, SIÑOR, N ta fasi tudu e kusas.

Isaias 9:7

Kirsimentu di si gubernu ku si pas ka na ten kabantada. I na sinta na tronu di Davi pa firmanta si renu, pa fortifikal ku justisa ku vida retu, disna di gosi pa sempri. SIÑOR ku ten tudu puder pui sintidu pa fasi e kusa.

Jeremias 30:10

“Asin, ña servu Jakó, ka bu medi; Israel, ka bu panta. Ami, SIÑOR, N fala kuma N na librau di tera lunju, N na libra bu jorson di tera di se katiberasku. Jakó na riba, i na fika ketu ku susegu; i ka na ten kin ku na pantandal.

Jeremias 31:26

Na ki ora N korda, N jubi na roda; N oja kuma ña sonu i sabi.

Ezekiel 14:15

“Si N larga limarias brabu na ki tera pa i kaba ku jinti, tok kau fika na pirigu; ningin ka pudi pasa la pabia di ki limarias;

Ezekiel 14:17

“O si N manda gera pa ki tera, N fala: ‘Spada, pasa na tudu ladu di tera’, si N mata si omis ku limarias,

Ezekiel 14:21

“Asin ku SIÑOR Deus fala: I na sedu pior si N manda pa Jerusalen ña kuatru julgamentu meduñu, ku sedu spada, fomi, limarias brabu ku duensa, pa kaba ku omis ku limarias!

Ezekiel 34:25

“‘N na fasi kontratu di pas ku elis. N na kaba ku limaria brabu na tera; e na mora suguru na lala, e na durmi na matu.

Ezekiel 34:27

Arvuris di matu na padi se fruta; con na da si paja. Elis e na mora suguru na se tera; e na sibi kuma ami i SIÑOR ora ku N kebra ki korenti ke maradu ku el, N libra elis na mon di kilis ku teneba elis prezu.

Ezekiel 5:17

N na manda fomi ku limarias brabu kontra bos; e na kaba ku bo fijus. Duensa ku violensia na pasa na bo tera; N na tisi spada kontra bo. I ami, SIÑOR, ku fala.”

Oseias 2:18

Na ki dia N na fasi kontratu pa elis ku limarias di matu ku kacus ku ta bua, ku limarias ku ta rasta na con. N na tira mansasa ku spada ku gera na tera pa e pudi dita e durmi suguru.

Oseias 2:20

N na guarda ña purmesa pa bo pa bu sedu di mi; bu na rikuñisin suma SIÑOR.

Sirmonias 25:18

“Bo kumpri ña regras, bo obdisi ña leis; asin bo na mora suguru na tera.

Sirmonias 25:19

Con na da si prudutu; bo na kumel tok bo farta; bo na mora nel suguru.

Sirmonias 26:22

N na manda limarias brabu na bo metadi, ku na kume bo fijus, e kaba ku bo limarias, pa e torna bos puku, tok jinti ka na ojadu na rua.

Sirmonias 26:25

N na tisi spada riba di bos pa vinga manera ku bo kebra ña kontratu. Ora ku bo junta na bo prasas, N na manda na bo metadi duensa ku ta kamba, pa i mata bos. Bo na ntregadu na mon di inimigus.

Sirmonias 26:7

Bo na serka bo inimigus; e na kai mortu ku spada bo dianti.

Mikeias 4:4

Kada un na sinta bas di si pe di uva, o bas di si figera; i ka na ten kin ku na pantanda elis, pabia i SIÑOR ku ten tudu puder ku fala.

Sofonias 3:13

Kilis ku sobra di pobu di Israel e ka na fasi mal, nin e ka na konta mintida; nganu ka na ojadu na se boka. E na tene kusa di kume, e na dita; ningin ka na pantanda elis.”

Aẑeu 2:9

‘Gloria de kasa nobu na sedu mas garandi di ki gloria di ki purmeru. Ami, SIÑOR ku ten tudu puder, N fala kuma N na da pas ne kau.’ ”

Zakarias 9:10

N na kaba ku karus di Israel ku kabalus di Jerusalen; mansasa di gera na danadu. Bu rei na anunsia pas pa nasons; si renu na bai di un mar pa utru mar, desdi riu Eufrates te na utru ladu di mundu.

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Atus 12:6

Na noti ku Erodis na mansiba pa pursental dianti di pobu, na ki mesmu noti, Pedru na durmiba na metadi di dus soldadu, maradu ku dus korenti; guardas staba dianti di porta, e na guarda kalabus.

Romanus 5:1

Manera ku no ojadu justu pa fe, no ten pas ku Deus pabia di no Siñor Jesus Kristu