Sirmonias 26:45 - BIBLIA - traduson antigu in Krioulo

⁴⁵ Pa amor delis N na lembra di ña kontratu ku se papes di antigu, kilis ku N tira na tera di Ejitu dianti di uju di nasons, pa N sedu se Deus. Ami i SIÑOR.”

Sirmonias 26:45 ပူးပေါင်းရင်းမြစ်များ

Kumsada 12:2

N na fasiu un garandi nason, N na bensuau, N na fasi bu nomi pa i sedu garandi; bu na sedu un benson.

Kumsada 15:18

Na ki mesmu dia, SIÑOR fasi kontratu ku Abron, nunde ki falal: “N da bu jorson e tera disna di riu di Ejitu te na garandi riu Eufrates,

Kumsada 26:24

Ki di noti SIÑOR bai pa el, i falal: “Ami i Deus di bu pape Abraon. Ka bu medi, pabia N sta ku bo. N na bensuau, N na buri numeru di bu jorson, pabia di ña servu Abraon.”

Kumsada 28:15

Ami N sta ku bo, N na guardau pa nunde ku bu na bai. N na ribantau pa e tera, pabia N ka na disau, tok N fasi ke ku N falau.”

Kumsada 9:15

N ta lembra di ña kontratu ku bos, ku tudu limarias bibu di tudu koldadi. Yagu ka na torna mas na diluviu pa kaba ku tudu kriatura bibu.

Salmus 106:45

I lembra di si kontratu, i sinti pena delis, pabia di si garandi bondadi.

Saida 2:24

Deus obi manera ke na jimi, i lembra di kontratu ki fasi ku Abraon, Isak ku Jakó.

Saida 20:2

“Ami i SIÑOR bu Deus ku tirau di Ejitu, ki kau di katiberasku.

Saida 6:6

“Asin, konta fijus di Israel kuma ami N sedu SIÑOR. N na bin tira bos bas di kastigu di ejipsius. N na libra bos di sedu se katibus; N na kaplinti bos ku ña mon forti, ku garandi kastigus.

Saida 6:8

N na bin leba bos pa tera ku N yalsa mon pa jurmenta kuma N na da Abraon, Isak ku Jakó. N na da bos el pa yardansa. Ami i SIÑOR.”

Ezekiel 20:14

ma, pa amor di ña nomi, N bin disa, pa ka ña nomi bin danadu na uju di nasons ku N tira dianti di Israel.

Ezekiel 20:22

Ma N ka bin fasil; pa amor di ña nomi N disa, pa ka ña nomi bin danadu na uju di nasons ku N tira se dianti.

Ezekiel 20:9

Ma pa amor di ña nomi N bin disa, pa ka ña nomi bin danadu na uju di nasons ke staba na se metadi, pabia i se dianti ku N pui Israel kunsin, pa tira elis na tera di Ejitu.

Sirmonias 11:45

Ami N sedu SIÑOR ku tisi bos di Ejitu pa N sedu bo Deus. Asin, bo kontinua sedu puru pabia ami i puru.

Sirmonias 22:33

ku tira bos na tera di Ejitu, pa sedu bo Deus. Ami i SIÑOR.”

Sirmonias 25:38

Ami i SIÑOR bo Deus ku tira bos na Ejitu, pa da bos tera di Kanaan, pa N sedu bo Deus.

Romanus 11:12

Si kaida di judeus tisi rikesa pa mundu, tambi si se mingua tisi rikesa pa kilis ki ka judeu, ku fadi gora ora ke riba pa se forsa!

Ripitison di Lei 4:31

SIÑOR bu Deus i Deus di miserikordia; i ka na bandonau, nin i ka na kaba ku bo, nin i ka na diskisi di kontratu ki fasi ku bu papes ku juramentu.

Ripitison di Lei 9:27

Lembra di bu servus Abraon, Isak ku Jakó. Ka bu jubi pa risu kabesa de pobu, nin pa se maldadi, nin pa se pekadu,