Sirmonias 25:36 - BIBLIA - traduson antigu in Krioulo

³⁶ Ka bu kobral nin un koldadi juru, ma rispita bu Deus, pa bu parenti mora ku bo.

Sirmonias 25:36 ပူးပေါင်းရင်းမြစ်များ

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Neemias 5:3

Utrus na fala: “No na mpiña no lugaris, no ortas di uva ku no kasas, pa no pudi ranja arus ne tempu di fomi.”

Salmus 15:5

i ta pista si diñeru sin kobra juru; i ka ta seta suku di bas pa julga kontra kil ku ka ten kulpa. Kil ku ta fasi e kusas, nunka i ka na bulbulidu.

Saida 22:24

N na paña raiba, N na mata bos ku spada. Bo minjeris na sedu viuvas, bo fijus na sedu orfans.

Saida 22:25

“Si bu pista diñeru pa un koitadi na metadi di ña pobu, ka bu fasi suma algin ku ta pista diñeru pa juru.

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Isaias 24:2

Kil ku pasa ku pobu na pasa ku saserdoti; servu na sedu suma si patron, bajuda suma si mestra, kumpradur suma kil ku ta bindi, kil ku pista suma algin ku pistadu, kil ku kobra juru suma kil ku pagal.

Jeremias 15:10

Ai di mi, ña mame! Ke ku manda bu padi un omi ku tudu jinti di tera ta jusia ku el? Nunka N ka pista ningin ku juru, nin N ka dibi ningin, ma kada un delis na maldisuan.

Ezekiel 18:13

i ta pista si diñeru pa bin kobra juru, i ta toma pagamentu ciu dimas. Es i pudi bibu? Nau, i ka na bibu! Pabia di tudu ki kusas nujenti ki fasi, i na matadu; kulpa na sedu di sil.

Ezekiel 18:17

I ta disvia si mon di pekadu, i ka ta seta toma kil ki ka dibi di toma. I ta obdisi ña leis, i ta fasi konformi ña regras. E tipu di omi, i ka na muri pabia di pekadu di si pape; i na bibu.

Ezekiel 18:8

I ka ta pista si diñeru pa bin kobra juru; i ka ta seta toma kil ki ka dibi di toma. I ta disvia si mon di fasi mal; i ta fasi justisa di bardadi na metadi di dus jinti ku na diskuti.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Sirmonias 25:17

Ka ningin splora si kumpañer, ma bo ten rispitu pa bo Deus, pabia ami i SIÑOR bo Deus.

Sirmonias 25:37

Ka bu pistal diñeru pa bu bin kobral juru, nin ka bu bindil kumida pa ngaña lukru.