Sirmonias 25:23 - BIBLIA - traduson antigu in Krioulo

²³ “Tera ka pudi ba ta bindidu pa sempri, pabia i di mi. Abos bo na sedu ospris ku na mora la.

Sirmonias 25:23 ပူးပေါင်းရင်းမြစ်များ

Kumsada 23:4

“Ami i stranjeru ku bin mora na bo metadi. Bo bindin un terenu ku pudi sedu simiteriu, pa N pudi ntera ña difuntu.”

Kumsada 47:9

Jakó ruspundi Faraó: “Anus di ña bias ne vida i sentu i trinta anu. E anus pikininu, kansadu. E ka ciga numeru di anus di ña papes na se bias ne vida.”

1 Reis 21:3

Nabot fala Akab: “SIÑOR ta libran di N dau yardansa di ña papes.”

1 Kronikas 29:15

Anos i stranjerus bu dianti, ospris suma ku tudu no papes seduba. No vida ne mundu i ta pasa suma sombra; no ka ten speransa di fika li.

2 Kronikas 7:20

ami N na rinka Israel na tera ku N da elis, N na nega e kasa ku N fasi sagradu pa ña nomi, tok jinti di tudu nasons e na usal na se ditus, e fasi trosa del.

Salmus 119:19

N sedu ospri na mundu; ka bu sukundin bu mandamentus.

Salmus 24:1

Tera i di SIÑOR, ku tudu ku sta nel, suma tambi mundu ku tudu kilis ku mora nel,

Salmus 39:12

SIÑOR, obi ña orason; sukutan ora ku N na yalsa ña fála. Ka bu kala dianti di ña larmas, pabia N sedu suma ospri na bu kau, stranjeru suma ku tudu ña papes seduba.

Salmus 39:13

Tira bu uju na mi, pa N pudi diskansa un bokadu, antis di N bai, N disa di izisti.

Salmus 85:1

SIÑOR, bu mostra fabur pa bu tera; bu torna pui kusas kuri diritu ku Jakó.

Saida 19:5

Gosi, si bo obdisin, bo guarda ña kontratu, N na kuji bos na metadi di utru rasas pa bo sedu ña pobu ku N da garandi balur. Tudu mundu i di mi,

Saida 2:22

I bin padi un fiju; Moisés pul nomi di Jerson, pabia i fala: “N sedu ospri na tera ki ka di mi.”

Isaias 8:8

I na yentra na Judá tok i kubril, i inci tok i ciga na garganti. I na distindi si asas, i kubri largura di bu tera, o Emanuel.”

Ezekiel 48:14

E ka pudi bindi nin un parti del, ku fadi pa e torkial. Es i minjor parti di tera; i ka pudi pasadu pa utru mon, pabia i sagradu pa SIÑOR.

Oseias 9:3

E ka na fika na tera di SIÑOR, ma Efrain na riba pa Ejitu, i na kume kumida impuru na Asiria.

Joel 2:18

Dipus, SIÑOR na sinti ciu pa si tera, i na ten pena di si pobu.

Joel 3:2

N na junta tudu nasons, N pui elis pa e disi na kobon di Jeosafá; N na kumsa julga elis la pabia di ña pobu, ku sedu Israel, ña yardansa, kil ke pajiga na metadi di nasons, e rapati ña tera.

Sirmonias 25:10

“Bo na tene anu di sinkuenta suma sagradu, bo na anunsia liberdadi pa tudu jinti ku mora na tera. I na sedu pa bos anu di jubileu; kada kin na riba pa si kau, tambi kada kin na bai pa si familia.

Sirmonias 25:24

Na tudu tera ku pertensi bos, bo ten ku rikuñisi diritu di purmeru dunu pa torna kumpra si terenu ki ciga di bindi.

Ripitison di Lei 32:43

Abos nasons, bo kontenti juntu ku si pobu, pabia i na vinga sangi di si servus; i na torna vingansa pa si inimigus, i na purda si pobu ku se tera.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.