Sirmonias 23:38 - BIBLIA - traduson antigu in Krioulo

³⁸ E ofertas na sedu riba di kilis ku dadu na dias di diskansu di SIÑOR, tambi riba di bo ofertas ku bo tisi si bo na fasi votu, o son pabia bo misti pati SIÑOR.

Sirmonias 23:38 ပူးပေါင်းရင်းမြစ်များ

2 Kronikas 31:14

Un levita comadu Kore, fiju di Imna, guarda di porton di saida di sol, el ku tenba kargu di rapati ofertas ku jinti da Deus di libri vontadi, ku kil ke dedika pa SIÑOR.

Salmus 56:13

pabia bu libran di mortu, bu libra ña pe di da tapada, pa N pudi yanda dianti di Deus na lus di jinti bibu.

Salmus 76:12

I ta kebra spiritu di ŝefis; reis di mundu ta ten medu del.

Ezekiel 46:12

Si rei misti da un oferta pa SIÑOR di si libri vontadi, pa kema o suma oferta di pas, e ten ku yabri porton di ladu di saida di sol pa el. I na pursenta si oferta kemadu ku si ofertas di pas, suma ki kustuma ta fasi na dia di diskansu. Dipus di sai, porton na ficadu.

Sirmonias 19:3

“Kada un di bos ten ku rispita si mame ku si pape, i guarda ña dias di diskansu. Ami i SIÑOR bo Deus.

Sirmonias 23:3

“Bo pudi tarbaja duranti seis dia, ma setimu dia i na sedu sabadu di diskansu, un dia di juntamentu sagradu; bo ka na fasi nin un tarbaju na ki dia. Na tudu kau ku bo mora, i na sedu dia di diskansu di SIÑOR.

Sirmonias 23:37

“Esis i festivalis ku SIÑOR marka, ku bo na anunsia suma juntamentu sagradu, pa leba ofertas ku na kemadu na fugu pa SIÑOR, oferta kemadu ku oferta di kumida, sakrifisius ku oferta di bibida, konformi i pirsis pa kada dia.

Sirmonias 23:39

“Ora ku bo kaba rukuji tudu kusa di kebur, bo na guarda e festival di SIÑOR pa seti dia. Bo na kumsa na dia 15 di setimu mis; purmeru dia ku oitavu dia e na sedu dias di diskansu.

Numerus 29:39

“Bo na leba e kusas pa SIÑOR na dias di festival markadu, fora di bo ofertas di votu, ofertas di libri vontadi, ofertas kemadu, ofertas di kumida ku bibida, ku bo ofertas di pas.”

Ripitison di Lei 12:6

bo leba bo ofertas kemadu, bo sakrifisius, bo dizimus, bo ofertas spesial, kil ku bo fala bo na da, kil ku bo na da di libri vontadi, ku purmeru fijus di bo bakas ku bo karnel.