Sirmonias 23:27 - BIBLIA - traduson antigu in Krioulo

²⁷ “Dia 10 di ki setimu mis na sedu dia di sakrifisiu pa pekadu. Bo na tene un juntamentu sagradu; bo nega bo propi kabesa, bo pursenta oferta kemadu pa SIÑOR.

Sirmonias 23:27 ပူးပေါင်းရင်းမြစ်များ

Esdras 8:21

La, lungu di riu Aava, N da ordi pa no junjuŋa, no baŝa dianti di no Deus, pa no pudi pidil bon bias pa nos, pa no fijus, ku tudu kusas ku no na lebaba.

Salmus 35:13

Oca ke staba duenti, ami, ña ropa i seduba saku; N kastiga ña kurpu ku junjun. N ora ku kabesa riba di pitu,

Saida 30:10

Un bias na kada anu Aron ten ku fasi sirmonia pa purifika altar; i ten ku pui na si kuatru cifri sangi di limarias ku sakrifikadu pa purdon di pekadu. Es ten ku fasidu kada anu pa sempri. I un kusa sagradu dimas pa SIÑOR.”

Isaias 58:5

Nta es i ki junjun ku N kuji, pa omi kastiga si kurpu pa un dia, pa i mpina si kabesa suma kana di matu, pa i distindi saku ku sinsa pa dita nel? I es ku bu ta coma junjun? SIÑOR na kontenti ku un dia suma es?

Sirmonias 16:11

“Aron na ciganta turusiñu ku na sedu oferta pa si propi pekadu; i na matal, i sakrifikal pa si kabesa ku si familia.

Sirmonias 16:15

“Dipus i na mata bodi suma oferta pa pekadu di pobu. I na leba si sangi pa dentru di kurtina; i na fasi ku el suma ki fasi ku sangi di turusiñu: i na wagal riba di kubertura di miserikordia, tambi dianti del.

Sirmonias 16:16

Asin i na fasi sakrifisiu pa purifika kau mas sagradu, pabia di impuresa di fijus di Israel, ku tudu se pekadu, manera ke kebra lei; i na purifika tambi tenda di juntamentu ku sta na se kampamentu, na metadi di se impuresas.

Sirmonias 16:24

I na laba si kurpu ku yagu na kau sagradu, i na bisti si ropa di kustumu. Dipus i na sai, i na sakrifika oferta kemadu pa el ku utru pa pobu, pa fasi sirmonia pa si kabesa, tambi pa pobu.

Sirmonias 23:26

SIÑOR fala Moisés:

Sirmonias 23:28

Na ki mesmu dia bo ka na tarbaja, pabia i sedu dia di sakrifisiu pa pekadu, pa fasi sakrifisiu pa bos dianti di SIÑOR bo Deus.

Sirmonias 25:9

Na dia 10 di setimu mis, ku sedu dia di sakrifisiu pa pekadu, bo na manda jinti pa e toka korneta na tudu parti di bo tera.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Atus 27:9

No pirdiba ja manga di tempu; junjun di dia di sakrifisiu pa purdon di pekadu i pasa. Suma ku tempu tornaba ja mau pa yanda na mar, Paulu konsija elis,

Tiagu 4:9

Bo sinti tristi, bo miskiña, bo cora. Bo grasa pa i bida cur; bo alegria pa i bida tristesa.