Sirmonias 23:21 - BIBLIA - traduson antigu in Krioulo

²¹ Na ki mesmu dia bo na anunsia kuma bo tene juntamentu sagradu; bo ka na fasi nin tarbaju di kustumu. Es i na sedu un lei ku na dura pa tudu tempus ku na bin, na tudu kau ku bo mora.

Sirmonias 23:21 ပူးပေါင်းရင်းမြစ်များ

Kumsada 17:7

N na pui ña kontratu na metadi di mi ku bo, ku bu fijus dipus di bo, ku se jorsons, un kontratu ku na fika pa sempri, pa N sedu bu Deus, Deus di bu jorson dipus di bo.

Saida 27:21

Aron ku si fijus e na toma konta di kanderus na tenda di juntamentu fora di kurtina ku sta dianti di arka di kontratu, pa lus ba ta sindi dianti di SIÑOR disna di tardi te parmaña. Es i un lei pa fijus di Israel ku se jorsons di futuru, pa sempri.

Isaias 11:10

Dia na ciga ku rei ku na sai na jorson di Jesé na firma suma bandera pa nasons; e na kuri juntu pa el; lugar di si morada na sedu gloriosu.

Sirmonias 23:14

Bo ka pudi kume pon nin miju iladu nin verdi te ki dia ku bo tisi ki oferta pa bo Deus. Es i na sedu lei ku na dura pa sempri na bo jorsons di futuru, na tudu kau ku bo mora.

Sirmonias 23:2

pa i papia ku fijus di Israel, i fala elis: “Es i sedu ña festivalis markadu; bo ten ku anunsia elis suma juntamentu sagradu; e sedu festivalis ku SIÑOR marka.

Sirmonias 23:20

Saserdoti na sana ki dus fiju di karnel suma oferta di sana dianti di SIÑOR, ku purmeru pon di kebur. E na sedu oferta sagradu pa SIÑOR, pa saserdoti.

Sirmonias 23:25

Bo ka na fasi nin un tarbaju di kustumu, ma bo na pursenta oferta kemadu pa SIÑOR.”

Sirmonias 23:31

Bo ka na fasi nin un tarbaju. Es i na sedu lei ku na dura pa tudu tempus ku na bin, na tudu kau ku bo mora.

Sirmonias 23:4

“Esis i festivalis ku SIÑOR marka, ki juntamentus sagradu ku bo na anunsia na si tempu markadu.

Sirmonias 23:7

Na purmeru dia bo na tene un juntamentu sagradu; bo ka na tarbaja suma di kustumu.

Sirmonias 3:17

“Es i un lei ku ka na muda, na tudu jorson dipus di bos, na kualker kau ku bo mora: Bo ka na kume nin gurdura nin sangi.”

Numerus 18:23

I son levitas ku na toma konta di tarbaju di tenda di juntamentu; i elis ku na karga kualker eru ku fasidu kontra el. Es i na sedu lei pa sempri pa bo jorson. E ka na yarda nada na metadi di fijus di Israel,

Ripitison di Lei 16:11

Abo, bu fijus macu ku femia, bu katibus macu ku femia ku levita ku sta na bu prasa, ku stranjeru ku orfan ku viuva ku sta na bu kau, bo ta kontenti dianti di SIÑOR bu Deus na kau ki kuji pa pui si nomi la.