Sirmonias 22:8 - BIBLIA - traduson antigu in Krioulo

⁸ I ka na kume kualker kusa ku ojadu mortu, o ku limaria brabu sapa-sapa, pa i ka bin kontaminadu ku el. Ami i SIÑOR.

Sirmonias 22:8 ပူးပေါင်းရင်းမြစ်များ

Saida 22:30

Asin ku bu na fasi ku bu bakas ku karnelis. E na sta ku se mame seti dia; na oitavu dia bu ta tisin elis.

Saida 22:31

“Bo na sedu jinti puru pa mi. Ka bo kume karni ku limaria brabu mata na matu; bo botal pa kacuris.

Ezekiel 4:14

N falal: “Ai, SIÑOR, SIÑOR! Nunka N ka kontamina, pabia N ka kume kusa ku muri, nin kusa sapa-sapadu, disna ku N lanta te gosi, nin karni ku ka sta konformi lei ka yentra na ña boka.”

Ezekiel 44:31

Saserdoti ka pudi kume kacu o limaria ku muri, o ku utru limaria mata.

Sirmonias 17:15

“Kualker algin, nin ki sedu fiju di tera o stranjeru, ku kume limaria ku muri, o ku limaria brabu sapa-sapa, i ten ku laba si ropa, i laba si kurpu ku yagu; i na fika impuru te di tardi, dipus i na sedu puru.

Sirmonias 7:24

Gurdura di un limaria ku muri i pudi usadu pa utru kusa, suma tambi un ku limaria brabu mata, ma di nin un manera bo ka pudi kume ki gurdura.

Ripitison di Lei 14:21

Limaria ku muri sin i ka matadu, bo pudi dal pa kualker stranjeru ku sta na bo prasa, pa i kumel, o bo pudi bindil pa un ospri, ma ka bo kumel, pabia bo sedu pobu sagradu pa SIÑOR bo Deus. Ka bo kusña kabritu ku liti di si mame.