Sirmonias 22:23 - BIBLIA - traduson antigu in Krioulo

²³ Si baka o karnel kirsi kumpridu dimas o i ka kirsi diritu, bo pudi patil pa SIÑOR si bo misti, ma i ka na setadu si bo na fasi votu.

Sirmonias 22:23 ပူးပေါင်းရင်းမြစ်များ

Saida 35:29

Tudu omi ku minjer di Israel ku se korson staba tokadu, ku sinti vontadi pa leba oferta pa tarbaju ku SIÑOR manda, pa boka di Moisés, pa i fasidu, e leba ki kusas di se libri vontadi suma oferta pa SIÑOR.

Sirmonias 21:18

Nin un omi ku tene difeitu i ka na ciga pertu, suma omi segu, o manku, o ku tene naris diformadu, o ku tene mon o pe kumpridu dimas,

Sirmonias 22:22

Ka bo pursenta pa SIÑOR un limaria segu, molostadu, manku, nin ku sinal na kurpu, nin ku sarna, nin mpincu. Bo ka na pui elis riba di altar suma oferta kemadu pa SIÑOR.

Sirmonias 22:24

Ki limaria ku tene kuku di ovu molostadu, o lañadu o sapadu, o ku paña pankada, bo ka na pursental pa SIÑOR. Es ka na fasidu na bo tera.

Malakias 1:8

Ora ku bo tisi limaria segu pa sakrifika ku el, kila i ka mal? O si bo pursenta limaria manku o duenti, kila i ka mal? Bai pursental pa bu gubernadur! Nta i na kontenti ku bo? I na setau?” Asin ku SIÑOR ku ten tudu puder punta.

Ripitison di Lei 15:21

Ma si i tene kualker difeitu, si i manku o segu, o i tene kualker utru difeitu, ka bu sakrifikal pa SIÑOR bu Deus.

Ripitison di Lei 17:1

Ka bu sakrifika pa SIÑOR bu Deus un turu o karnel ku tene difeitu o kualker kusa ku ka sta bon, pabia es i ta sedu un kusa nujenti pa SIÑOR bu Deus.