Sirmonias 22:18 - BIBLIA - traduson antigu in Krioulo

¹⁸ pa i papia ku Aron ku si fijus ku tudu pobu di Israel, i fala elis: “Kualker di fijus di Israel, o di stranjerus ku mora na Israel, ku pursenta un limaria suma oferta kemadu pa SIÑOR, nin si i pa votu o son pabia i misti da,

Sirmonias 22:18 ပူးပေါင်းရင်းမြစ်များ

2 Kronikas 31:14

Un levita comadu Kore, fiju di Imna, guarda di porton di saida di sol, el ku tenba kargu di rapati ofertas ku jinti da Deus di libri vontadi, ku kil ke dedika pa SIÑOR.

Salmus 116:14

N na kumpri ña votus pa SIÑOR dianti di tudu si pobu.

Salmus 116:18

N na kumpri ña votus pa SIÑOR dianti di tudu si pobu,

Salmus 22:25

I abo ku ta pui garandi juntamentu pa e ngaban; N na kumpri purmesas dianti di kilis ku rispitau.

Salmus 56:12

O Deus, N na kumpri ki purmesas ku N fasiu; N na pursentau oferta di gardisimentu,

Salmus 61:5

O Deus, bu obi ña purmesas; bu dan yardansa di kilis ku rispita bu nomi.

Salmus 61:8

Asin N na kanta salmus pa ngaba bu nomi sempri, pa N kumpri ña purmesas kada dia.

Salmus 65:1

O Deus, lovor na perau na Sion; no na kumpri no purmesas pa bo.

Salmus 66:13

N na yentra na bu kasa ku ofertas kemadu; N na kumpri purmesas ku N fasi.

Saida 12:5

Bo pudi kuji fiju di karnel o di kabra, ma i ten ku sedu sin difeitu, macu di un anu.

Eklesiastis 5:4

Si bu fasi un purmesa pa Deus, ka bu tarda pa kumpril, pabia Deus ka ta kontenti ku tulus. Kil ku bu purmiti, kumpril.

Sirmonias 1:10

“Si i misti pursenta karnel o kabra di si koral pa oferta kemadu, i ten ku pursenta macu sin difeitu.

Sirmonias 1:2

pa i papia ku fijus di Israel, i fala elis: “Ora ku un son di bos tisi oferta pa SIÑOR, i na bin ku un di si bakas o un di si karnel.

Sirmonias 17:10

“Kualker algin di Israel, o stranjeru ku mora na se metadi, ku kume sangi, N na vira kontra ki algin, N na tiral na metadi di si pobu, manera ki kume sangi.

Sirmonias 17:13

“Kualker omi di Israel, o stranjeru ku mora na se metadi, ku bai montia limaria o kacu ku ta kumedu, i ten ku tira tudu sangi, i kubril ku reia,

Sirmonias 22:17

SIÑOR da Moisés ordi

Sirmonias 23:38

E ofertas na sedu riba di kilis ku dadu na dias di diskansu di SIÑOR, tambi riba di bo ofertas ku bo tisi si bo na fasi votu, o son pabia bo misti pati SIÑOR.

Sirmonias 7:16

“Ma si si oferta di pas i pabia di un votu, o i na pursental di si libri vontadi, karni di sakrifisiu na kumedu na dia ki pursental. Kil ku sobra del, i na kumel na sugundu dia.

Amos 4:5

Bo pursenta pon ku fermentu suma ofertas di gardisimentu; bo ngaba bo kabesa pabia di ofertas voluntariu ku bo ta tisi, pabia asin ku bo gosta di fasi, abos fijus di Israel.” Asin ku SIÑOR Deus fala.

Jonas 1:16

Ki omis sinti garandi medu di SIÑOR, e mata limarias, e fasi sakrifisiu pa SIÑOR, e fasil purmesas.

Jonas 2:9

ma N na pursentau sakrifisiu ku kantiga di gardisimentu; N na kumpri purmesa ku N fasiu. Salbason ta bin di SIÑOR.”

Naun 1:15

Jubi, riba di monti, pe di kil ku na tisi bon noba, di kil ku na konta kuma pas ten ja. Judá, guarda bu festival, bu kumpri bu purmesas, pabia jinti mau ka na torna yentra na bu tera; e na kabadu ku el tudu.

Malakias 1:14

“Pa i sedu maldisuadu ki nganadur ku tene un bon karnel na si koral, i fala i na dal pa SIÑOR, ma i bai pursenta un kusa ku tene difeitu. Ami i garandi Rei; ña nomi i meduñu na metadi di nasons.” Asin ku SIÑOR ku ten tudu puder fala.

Numerus 15:3

si bo na kema oferta pa SIÑOR, di baka o di karnel, ku ta cera sabi pa SIÑOR, nin si i oferta kemadu, o sakrifisiu pa kumpri votu, o oferta ku bo misti da di bo vontadi, o na bo festivalis,

Atus 18:18

Paulu tarda na Korintu un tempu inda; i dispidi ermons, i mbarka pa Siria. Prisila ku Ákila bai ku el. Na Senkreia i rapa kabesa pabia i fasiba Deus purmesa.

Ripitison di Lei 12:17

Ka bu kume dizimu di bu miju na bu prasas, nin dizimu di biñu nobu nin di azeiti, nin purmeru fiju di bu baka nin di karnel, nin kualker oferta ku bu fala bu na da, nin oferta spesial, nin kil ku bu na da di libri vontadi.

Ripitison di Lei 12:6

bo leba bo ofertas kemadu, bo sakrifisius, bo dizimus, bo ofertas spesial, kil ku bo fala bo na da, kil ku bo na da di libri vontadi, ku purmeru fijus di bo bakas ku bo karnel.

Ripitison di Lei 16:10

Dipus bu ta fasi festival di semanas pa SIÑOR bu Deus, bu leba oferta di bu libri vontadi, konformi benson ku SIÑOR bu Deus bensuau ku el.