Sirmonias 20:3 - BIBLIA - traduson antigu in Krioulo

³ N na vira kontra ki omi, N na tiral na metadi di si pobu, pabia, manera ki da si fiju pa Molok, i kontamina ña kau sagradu, i dana ña santu nomi.

Sirmonias 20:3 ပူးပေါင်းရင်းမြစ်များ

Saida 30:33

Kualker algin ku kumpu azeiti suma es, o i bai unta algin ku ka sedu saserdoti, i na tiradu na metadi di si pobu.’ ”

Ezekiel 20:39

“‘Ami, SIÑOR Deus, N fala bos, pobu di Israel: Bo bai; kada un di bos i ta bai sirbi si idulus, pabia bo ka misti obin, ma mas tardi bo ka na torna dana ña nomi sagradu ku bo ofertas ku idulus.

Ezekiel 5:11

Asin, ami, SIÑOR Deus, N jurmenta pa ña vida kuma, manera ku bu kontamina ña kau sagradu ku tudu bu kusas nujenti, ku tudu kusas mau ku bu fasi, N na kumsa kaba ku bo, sin sinti pena di bo; N ka na purdau.

Sirmonias 15:31

“Asin bo ten ku guarda fijus di Israel separadu di kusas ku ta fasi elis impuru, pa e ka bin susa ña tenda nunde ku N mora na se metadi. Si e fasi asin, e na muri na se impuresa.”

Sirmonias 17:10

“Kualker algin di Israel, o stranjeru ku mora na se metadi, ku kume sangi, N na vira kontra ki algin, N na tiral na metadi di si pobu, manera ki kume sangi.

Sirmonias 18:21

“Ka bu da kualker di bu fijus pa i sakrifikadu pa deus Molok, pabia bu ka pudi dana nomi di bu Deus. Ami N sedu SIÑOR.

Sirmonias 19:12

Ka bo jurmenta kuma bo na fasi un kusa, kontra i ka sta na bo sintidu pa fasil. Si bo fasi asin, bo na lebsi nomi di bo Deus. Ami N sedu SIÑOR.

Sirmonias 20:4

Si juntamentu di pobu fica se uju ora ku ki omi na da un di si fijus pa Molok, e ka matal,

Sirmonias 21:6

E ten ku sedu puru dianti di se Deus; e ka na dana si nomi, pabia e ta pursenta oferta kemadu di SIÑOR, ku sedu oferta di kumida di se Deus. E ku manda e na sedu puru.

Sirmonias 7:20

Si algin impuru kume karni di oferta di pas ku sedu di SIÑOR, ki algin na tiradu na metadi di si pobu.

Sirmonias 7:21

Si algin toka na un kusa impuru, di omi o di limaria, o kualker utru kusa nujenti o impuru, i bin kume ki karni di oferta di pas ku sedu di SIÑOR, ki algin na tiradu na metadi di si pobu.”

Numerus 19:13

Tudu algin ku toka na kadaver di un difuntu, i ka bin purifika, i na kontamina tabernakulu di SIÑOR. Ki algin na tiradu na Israel. I na fika impuru pabia yagu di purifikason ka wagadu riba del; si impuresa na fika riba del.

Numerus 19:20

Si ki algin impuru ka purifika, i na tiradu na kumunidadi, pabia i kontamina santuariu di SIÑOR. Yagu di purifikason ka wagadu riba del; i na fika impuru.

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

1 Pedru 3:12

Uju di Siñor sta riba di kilis ku ta yanda diritu; si oreja sta pruntu pa obi se orason, ma si rostu sta kontra kilis ku na fasi mal.”