Sirmonias 20:26 - BIBLIA - traduson antigu in Krioulo

²⁶ Bo na sedu puru pa mi, pabia ami, SIÑOR, N sedu puru. N separa bos di utru nasons pa bo sedu di mi.

Sirmonias 20:26 ပူးပေါင်းရင်းမြစ်များ

Neemias 10:29

e na junta ku se ermons, ku sedu se ŝefis, e na jurmenta kuma e na kastigadu si e ka yanda na lei ku Deus da si servu Moisés; e na guarda, e na obdisi tudu ku SIÑOR no Deus mandanu na si leis ku si ordis.

Salmus 99:5

Bo garandisi SIÑOR no Deus, bo mpina dianti di tapeti di si pe, pabia el i santu.

Salmus 99:9

Bo garandisi SIÑOR no Deus, bo adoral na si monti sagradu, pabia SIÑOR no Deus i santu.

Saida 33:16

Kuma ku algin pudi sibi kuma ami ku bu pobu no oja fabur na bu uju, si i ka manera ku bu na yanda ku nos? E ku na fasinu, ami ku bu pobu, pa no sedu diferenti di tudu utru pobu ku sta na mundu.”

Isaias 30:11

Bo sai na kamiñu, ka bo tajanu; bo para pui Deus Santu di Israel pa i sta no dianti.”

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Sirmonias 11:44

Ami i SIÑOR bo Deus. Asin bo na ntrega bo kurpu pa i sedu sagradu, bo na kontinua sedu puru pabia ami i puru. Ka bo bida nujenti pabia di kualker bicu ku ta rasta na con.

Sirmonias 19:2

pa i papia ku tudu juntamentu di Israel, i fala elis: “Bo na sedu puru, pabia ami, SIÑOR bo Deus, N sedu puru.

Sirmonias 20:24

N fala bos kuma bo na tene se tera: ami N na da bos el suma yardansa, tera riku ku ta pruduzi ciu. Ami i SIÑOR bo Deus ku separa bos di utru nasons.

Sirmonias 20:7

“Bo separa de kusas tudu, bo sedu puru, pabia ami i SIÑOR bo Deus.

Sirmonias 20:8

Bo obdisi ña mandamentus, bo kumpri elis. Ami i SIÑOR ku ta santifika bos.

Ripitison di Lei 14:2

Abos i pobu sagradu pa SIÑOR bo Deus. SIÑOR kuji bos di tudu rasas na mundu pa bo sedu si pobu spesial.

Ripitison di Lei 7:6

Abos i pobu sagradu pa SIÑOR bo Deus. El i kuji bos na metadi di tudu rasas na mundu pa bo sedu si propi pobu spesial.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Josué 24:19

Josué fala pobu: “Bo ka na pudi sirbi SIÑOR, pabia i sedu Deus puru ku ten siumi di bos; i ka na purda bo disobdiensia nin bo pekadu.

Apokalipsi 3:7

“Skirbi pa anju di igreẑa di Filadélfia, bu falal: ‘Es i palabra di kil ki santu, i di bardadi, ku tene cabi di Davi. Si i yabri, ningin ka pudi fica; si i fica, ningin ka pudi yabri.

Apokalipsi 4:8

Kada un di ki kuatru kriatura bibu teneba seis asa; ujus kubri elis na tudu ladu, dentru ku fora. Di dia ku di noti, sin diskansu, e ta fala: “Santu, santu, santu! Siñor Deus ku ten tudu puder i santu, kil ku seduba, ku sedu, ku ten ku bin.”