Sirmonias 19:5 - BIBLIA - traduson antigu in Krioulo

⁵ “Si bo na pursenta pa SIÑOR un sakrifisiu ku sedu oferta di pas, bo ten ku pursental na manera ku Deus na setal.

Sirmonias 19:5 ပူးပေါင်းရင်းမြစ်များ

2 Kronikas 31:2

Ezekias rapati saserdotis ku levitas na se grupus, konformi sirvis di kada kin. E tenba ku pursenta ofertas kemadu ku ofertas di pas, tambi e tenba ku toma parti na kultus, pa ngaba Deus, pa kanta na portons di kasa di SIÑOR.

Saida 24:5

I manda utru jovens di Israel ku kema ofertas, e sakrifika turus nobu pa SIÑOR suma oferta di pas.

Ezekiel 46:12

Si rei misti da un oferta pa SIÑOR di si libri vontadi, pa kema o suma oferta di pas, e ten ku yabri porton di ladu di saida di sol pa el. I na pursenta si oferta kemadu ku si ofertas di pas, suma ki kustuma ta fasi na dia di diskansu. Dipus di sai, porton na ficadu.

Ezekiel 46:2

Rei na yentra na sala di entrada di porton, i na firma lungu di kuadru di porton. Saserdotis na pursenta si ofertas kemadu ku si ofertas di pas. La na porton rei na mborka pa adora Deus; dipus i na sai, ma porton ka na ficadu te di tardi.

Sirmonias 1:3

Si i na pursenta un di si bakas suma oferta kemadu, i ten ku da un macu sin difeitu; i na pursental na entrada di tenda di juntamentu, pa SIÑOR pudi seta si dunu.

Sirmonias 19:4

“Ka bo vira bo uju pa idulus, nin ka bo kumpu pa bos deusis di feru ribidu. Ami i SIÑOR bo Deus.

Sirmonias 19:6

I na kumedu na mesmu dia ki pursentadu, tambi na sugundu dia. Si utru sobra te terseru dia, i na kemadu ku fugu.

Sirmonias 22:19

pa i pudi setadu, i na pursenta un limaria macu, sin difeitu, di bakas, karnelis o kabras.

Sirmonias 22:21

Si algin pursenta oferta di pas pa SIÑOR, di si bakas o si karnelis, pabia i fasi un votu o son pabia i misti da, i ten ku sedu sin difeitu nin manca, pa i pudi setadu.

Sirmonias 22:23

Si baka o karnel kirsi kumpridu dimas o i ka kirsi diritu, bo pudi patil pa SIÑOR si bo misti, ma i ka na setadu si bo na fasi votu.

Sirmonias 22:29

“Si bo na pursenta oferta pa fala SIÑOR obrigadu, bo ta sakrifikal di un manera ku Deus pudi seta bos el.

Sirmonias 7:16

“Ma si si oferta di pas i pabia di un votu, o i na pursental di si libri vontadi, karni di sakrifisiu na kumedu na dia ki pursental. Kil ku sobra del, i na kumel na sugundu dia.

Sirmonias 7:18

Si karni di ki sakrifisiu di pas kumedu na terseru dia, Deus ka na seta ki algin ku pursental. Si oferta ka na ojadu na si fabur; i na tomadu suma kusa nujenti. Ki algin ku kume kualker parti del i na leba si kulpa.