Sirmonias 19:10 - BIBLIA - traduson antigu in Krioulo

¹⁰ Bu ka na rinka tudu kacus na bu orta di uva, nin bu ka na kuji uvas ku kai na con la; bu na disa elis pa koitadi ku stranjeru. Ami i SIÑOR bo Deus.

Sirmonias 19:10 ပူးပေါင်းရင်းမြစ်များ

Isaias 17:6

ma i na sobra un bokadu, suma ora ku algin sakudi olivera pa azeitonas konkoñi; dus o tris pudi fika na ponta di ramus mas altu, ku kuatru o sinku na ramus mas bas.” I SIÑOR Deus di Israel ku fala.

Isaias 24:13

Na mundu, na metadi di nasons, i na sedu suma ora ku olivera i sakudidu, o suma restu ora ku uvas kujidu na se pe.

Jeremias 49:9

Nta, si jinti bin pa bo pa korta uvas na se pe, e ka ta fika utru kacus? Si ladrons bin di noti, e ka ta leba son kil ke misti?

Sirmonias 11:44

Ami i SIÑOR bo Deus. Asin bo na ntrega bo kurpu pa i sedu sagradu, bo na kontinua sedu puru pabia ami i puru. Ka bo bida nujenti pabia di kualker bicu ku ta rasta na con.

Sirmonias 19:11

“Ka bo furta, nin ka bo konta mintida, nin ngana ŋutru.

Sirmonias 19:25

Na kintu anu bu pudi kume si fruta. Asin, arvuri na padi mas ciu. Ami i SIÑOR bo Deus.

Sirmonias 19:9

“Na tempu di kebur na bo tera, bu ka na kebra na tudu kantu di bu lugar, nin bu ka na kuji ki restus di kebur ku kai na con.

Sirmonias 23:22

“Na tempu di kebur na bo tera, ka bo kabanta kebra na kantus di bo lugar, nin ka bo kuji ki garans ku kai. Bo na fikal pa koitadis ku kualker stranjeru. Ami N sedu SIÑOR bo Deus.”

Sirmonias 25:6

Na ki anu, tudu ku tera pruduzi i na sedu kumida pa bos tudu, pa bo, ku bu katibus macu ku femia, ku tarbajadur, ku stranjeru ku mora ku bo,

Obadias 1:5

Jubi manera ku bu tera na danadu! Si ladrons ku malandrus bin pa furta di noti, e ta leba son kil ke misti; si jinti bin korta uvas na se pe, e ta fika utru kacus.

Mikeias 7:1

Ai di mi! N sedu suma algin ku misti kuji fruta kusidu, oca ku jinti kuji ja uvas. I ka ten nin un kacu di uvas pa kume, nin ki figu nobu ku N na faima pa el.

Ripitison di Lei 24:19

Ora ku bu na kebra na bu lugar, si bu diskisi di utru maradura, ka bu riba tras pa tomal; i na fika pa stranjeru, orfan ku viuva, pa SIÑOR bu Deus pudi bensuau na tudu bu tarbaju.

Ripitison di Lei 24:20

Ora ku bu sakudi bu olivera, ka bu riba tras pa buska kilis ku kapliu; e ta fika pa stranjeru ku orfan ku viuva.

Ripitison di Lei 24:21

Ora ku bu kuji uvas na bu orta, ka bu riba tras pa buska kilis ku kapliu; e ta fika pa stranjeru ku orfan ku viuva.

Ŝefis 8:2

I ruspundi elis: “Ke ku N fasi ku pudi komparadu ku kil ku bo fasi? Nta restu di arus di Efrain i ka mas minjor di ki tudu kebur di Abiezer?

Ruti 2:2

Un dia, ki moabita Ruti fala Noemi: “N misti bai jubi si N ta oja algin ku na disan kuji garan tras di kebraduris na si lugar.” Noemi falal: “Bai, ña fiju.”