Sirmonias 18:3 - BIBLIA - traduson antigu in Krioulo

³ Bo ka na fasi suma ke ta fasi na tera di Ejitu, nunde ku bo moraba, nin bo ka na fasi suma ke ta fasi na tera di Kanaan nunde ku N na leba bos. Ka bo sigi se kustumus.

Sirmonias 18:3 ပူးပေါင်းရင်းမြစ်များ

2 Reis 17:8

e yanda na kustumus di rasas ku SIÑOR tiraba fora di tera oca ku fijus di Israel na yentraba; e yanda tambi na kustumus ku reis di Israel kumsaba.

Salmus 106:35

ma e bin jagasi ku elis, e nsina se manera.

Saida 23:24

Ka bu mpina dianti di se deusis, nin ka bu adora elis; ka bu pratika se kustumus, ma bu na dana elis tudu, bu na kebra tudu se idulus sagradu.

Ezekiel 23:8

I ka disa ki mau vida ki kumsa na Ejitu, nunde ku omis ta ditaba ku el ocal nobu, e palpa si mama ku na forma, e tratal ku puku borgoña.

Sirmonias 20:23

Ka bo yanda na kustumus di jintix ku N na serka bo dianti. Manera ke fasi e kusas tudu, N nuju elis.

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Ripitison di Lei 12:4

Ka bo adora SIÑOR bo Deus suma ke ta adora se deusis,

Ripitison di Lei 29:17

Bo oja se imaẑens nujenti, ku se idulus di po, pedra, prata ku uru.

Ripitison di Lei 9:4

Dipus ku SIÑOR bu Deus tira elis fora bu dianti, ka bu pensa na bu kabesa, bu fala: “I pabia ami i algin justu ku manda SIÑOR yentrandan ne tera pa N tenel.” Nau, i ka kila! SIÑOR na tira ki nasons fora bu dianti pabia di se maldadi.