Sirmonias 18:27 - BIBLIA - traduson antigu in Krioulo

²⁷ Jinti ku moraba ne tera antis di bos e fasi tudu e kusas nujenti; asin tera bin sedu kontaminadu.

Sirmonias 18:27 ပူးပေါင်းရင်းမြစ်များ

1 Reis 14:24

Kusa pior, i tenba rapasis di mau vida ligadu ku ki kaus sagradu. Jinti fasi konformi kustumus nujenti di nasons ku SIÑOR tiraba fora oca ku fijus di Israel na yentra.

2 Reis 16:3

ma i yanda na kamiñu di reis di Israel, tok i pui si fiju pa i pasa na fugu, suma kustumus nujenti di nasons ku SIÑOR tiraba fora oca ku fijus di Israel na yentraba na tera.

2 Reis 21:2

Manasés fasi mal dianti di SIÑOR, i yanda konformi kustumus nujenti di ki rasas ku SIÑOR tira na se tera pa fijus di Israel pudi yentra nel e mora la.

2 Kronikas 36:14

Tambi tudu ŝefis di saserdoti, ku pobu, e na buriba se pekadu kada bias mas, e fasi kusas nujenti suma jinti di utru nasons. E kontamina kasa di SIÑOR ku el propi i konsagraba na Jerusalen.

Ezekiel 16:50

E bida inda mas orgulyosu, e fasi kusas nujenti ña dianti. E ku manda N kaba ku elis, suma ku bu oja.

Ezekiel 22:11

Utru bai dita ku minjer di si visiñu; utru kontamina minjer di si fiju, utru abusa na si irma, fiju femia di si pape.

Oseias 9:10

Deus fala: “Purmeru dia ku N oja Israel, i suma ora ku algin oja uvas na lala; N oja bo papes, N kontenti ku elis, suma ora ku algin oja purmeru figu kusidu, ma e bai pa Baal-Peor, e dedika pa ki kusa di borgoña; e bida nujenti suma ki kusa ke ama.

Sirmonias 18:24

“Ka bo kontamina ku nin un de kusas, pabia e jinti ku N na bin tira bo dianti e kontamina na tudu e kusas.

Sirmonias 18:26

Ma bo ten ku obdisi ña ordis ku ña leis. Ka bo fasi nin un de kusas nujenti, nin abos fijus di tera, nin stranjeru ku mora na bo metadi.

Sirmonias 18:28

Bo obdisi ña leis, pa bo ka kontamina tera, pa i ka ramasa bos suma ki ramasa jinti ku staba nel antis di bos.

Ripitison di Lei 20:18

pa ka e bin nsina bos fasi tudu kusas nujenti ke ta fasi pa se deusis; asin bo ta bin peka kontra SIÑOR bo Deus.

Ripitison di Lei 23:18

Diñeru ngañadu na mau vida, nin si i di minjer o di omi, i ka pudi tisidu pa kasa di SIÑOR bu Deus pa paga kualker votu, pabia SIÑOR nuju e kustumus tudu.

Ripitison di Lei 25:16

SIÑOR bu Deus nuju tudu jinti ku ta fasi nogos na tarpasa.

Ripitison di Lei 27:15

“Maldisuadu omi ku labra imaẑen, o i kumpu un idulu di feru, i pul na un kau sukundidu pa adoral, pabia kusa suma es ku omis kumpu i nujenti pa SIÑOR.” Tudu pobu na ruspundi e fala: “Amen.”