Sirmonias 18:24 - BIBLIA - traduson antigu in Krioulo

²⁴ “Ka bo kontamina ku nin un de kusas, pabia e jinti ku N na bin tira bo dianti e kontamina na tudu e kusas.

Sirmonias 18:24 ပူးပေါင်းရင်းမြစ်များ

Kumsada 15:16

Bu kuartu jorson na ribantadu pa li, pabia N ka na tira amoreus fora tementi se pekadu ka kaba inci si midida.”

1 Reis 9:7

N na tira Israel na tera ku N da elis; N na bandona e kasa ku N santifika pa ña nomi. Jinti di tudu nason na papia di Israel, e na fasil trosa.

2 Kronikas 33:2

I fasi mal dianti di SIÑOR, i yanda konformi kustumus nujenti di rasas ku SIÑOR tira na se tera pa fijus di Israel pudi yentra nel.

Esdras 9:1

Dipus di ki kusas fasidu, utru ŝefis ciga nunde mi e falan: “Pobu di Israel, tudu ku saserdotis ku levitas, e ka fika separadu di jinti de utru rasas, ma e na sigi kustumus nujenti, suma kilis di kananeus, eteus, perizeus, jebuseus, amonitas, moabitas, ejipsius ku amoreus.

Salmus 106:39

Elis propi e kontamina ku kusas ke fasi; e bai kai cai ku idulus.

Jeremias 44:4

N manda tudu ña servus anunsiaduris, kada dia ku sol na mansi, pa e fala bos pa ka bo fasi e kusa nujenti ku N ka misti oja.

Ezekiel 36:17

“Fiju di omi, oca ku fijus di Israel sintaba na se tera, e kontaminal ku se manera di yanda, ku kusas ke fasi. Suma impuresa di minjer kada mis, asin ku se manera di yanda sedu ña dianti.

Sirmonias 18:3

Bo ka na fasi suma ke ta fasi na tera di Ejitu, nunde ku bo moraba, nin bo ka na fasi suma ke ta fasi na tera di Kanaan nunde ku N na leba bos. Ka bo sigi se kustumus.

Sirmonias 18:30

Bo sigi ña mandamentus; ka bo fasi nin un di ki kustumus nujenti ke fasiba antis di bo bin; ka bo kontamina ku elis. Ami i SIÑOR bo Deus.”

Numerus 35:34

Asin, ka bo kontamina tera ku bo mora nel, nunde ku ami N mora nel tambi, pabia ami, SIÑOR, N mora na metadi di fijus di Israel.”

1 Koríntius 3:17

Si algin dana santuariu di Deus, Deus ta dana si dunu tambi, pabia santuariu di Deus i son pa el; abos ku sedu ki santuariu.

Ripitison di Lei 12:31

Ka bu adora SIÑOR bu Deus di ki manera ke ta adoraba se deusis, pabia e fasiba tudu kusa nujenti ku SIÑOR ka gosta del; te se fijus macu ku femia, e kema elis na fugu suma sakrifisiu pa se deusis.

Ripitison di Lei 18:12

Jinti ku ta fasi e kusas, e nujenti pa SIÑOR; SIÑOR bu Deus na tira ki nasons fora pabia e tene ki kustumus.

Ripitison di Lei 9:4

Dipus ku SIÑOR bu Deus tira elis fora bu dianti, ka bu pensa na bu kabesa, bu fala: “I pabia ami i algin justu ku manda SIÑOR yentrandan ne tera pa N tenel.” Nau, i ka kila! SIÑOR na tira ki nasons fora bu dianti pabia di se maldadi.

Ripitison di Lei 9:5

I ka pabia di kuma bu justu o bu tene korson retu ku manda bu na bai yentra pa tene ki tera, ma i pabia di maldadi di ki nasons ku SIÑOR bu Deus na bota elis fora bu dianti; tambi i pa kumpri palabra ku SIÑOR bu Deus jurmenta pa bu papes Abraon, Isak ku Jakó.

Ŝefis 20:10

Na tudu jorson di Israel, di kada sen omi no na toma des; di kada mil no na toma sen; di kada des mil no na toma mil, pa e ranja kumida pa tropas. Asin, ora ke ciga na Jibeá di Benjamin, e pudi vinga elis pa tudu maldadi ke fasi na Israel.”

Ŝefis 20:5

Omis di Jibeá lanta kontra mi, e da volta di kasa di noti, e mistiba matan. E abusa na ña kumadri tok i muri.

Ŝefis 20:6

N tomal, N padasal, N manda padasis pa tudu parti di tera di Israel, pabia e fasi e brutasku ku diskarna na Israel.