Sirmonias 17:15 - BIBLIA - traduson antigu in Krioulo

¹⁵ “Kualker algin, nin ki sedu fiju di tera o stranjeru, ku kume limaria ku muri, o ku limaria brabu sapa-sapa, i ten ku laba si ropa, i laba si kurpu ku yagu; i na fika impuru te di tardi, dipus i na sedu puru.

Sirmonias 17:15 ပူးပေါင်းရင်းမြစ်များ

Saida 22:30

Asin ku bu na fasi ku bu bakas ku karnelis. E na sta ku se mame seti dia; na oitavu dia bu ta tisin elis.

Saida 22:31

“Bo na sedu jinti puru pa mi. Ka bo kume karni ku limaria brabu mata na matu; bo botal pa kacuris.

Ezekiel 4:14

N falal: “Ai, SIÑOR, SIÑOR! Nunka N ka kontamina, pabia N ka kume kusa ku muri, nin kusa sapa-sapadu, disna ku N lanta te gosi, nin karni ku ka sta konformi lei ka yentra na ña boka.”

Ezekiel 44:31

Saserdoti ka pudi kume kacu o limaria ku muri, o ku utru limaria mata.

Sirmonias 11:24

E pudi pui pa bo sedu impuru. Kil ku toka na se kadaver, i na fika impuru te di tardi.

Sirmonias 11:25

Kil ku pega se kadaver i na laba si ropa, i na fika impuru te di tardi.

Sirmonias 11:27

Tudu limaria di kuatru pata ku si uña ka findi i ka na sedu puru pa bos; kil ku toka na se kadaver i na fika impuru te di tardi.

Sirmonias 11:28

Kil ku pega se kadaver i na laba si ropa, i na fika impuru te di tardi. Ki limarias ka na sedu puru pa bos.

Sirmonias 11:31

Esis na metadi di kilis ku ta rasta na con e ka na sedu puru pa bos. Kualker algin ku toka nelis dipus de muri i na fika impuru te di tardi.

Sirmonias 11:32

Si un desis muri, i kai riba di kualker kusa, ki kusa na fika impuru, nin si ki kusa sedu di madera, fazenda, kuru o saku, o kualker feramentu ku ta fasidu tarbaju ku el; i na mitidu na yagu, i na fika impuru te di tardi; dipus i na sedu puru.

Sirmonias 11:39

“Si kualker limaria ku ta kumedu muri, kin ku toka na si kadaver i na fika impuru te di tardi.

Sirmonias 11:40

Algin ku kume ki kadaver i na laba si ropa, i na fika impuru te di tardi. Kil ku leba ki kurpu mortu tambi i na laba si ropa, i na fika impuru te di tardi.

Sirmonias 15:10

Tudu algin ku toka na kualker kusa ku staba bas di ki omi, i na fika impuru te di tardi; algin ku lambu ki kusa i na laba si ropa, i laba kurpu ku yagu, i na fika impuru te di tardi.

Sirmonias 15:21

Kualker ku toka na si kama, o na kualker kusa ki sinta riba del, i na laba si ropa, i laba kurpu ku yagu, i na fika impuru te di tardi.

Sirmonias 15:5

Kualker algin ku toka na si kama, i na laba si ropa, i laba kurpu ku yagu, i na fika impuru te di tardi.

Sirmonias 22:8

I ka na kume kualker kusa ku ojadu mortu, o ku limaria brabu sapa-sapa, pa i ka bin kontaminadu ku el. Ami i SIÑOR.

Sirmonias 7:24

Gurdura di un limaria ku muri i pudi usadu pa utru kusa, suma tambi un ku limaria brabu mata, ma di nin un manera bo ka pudi kume ki gurdura.

Numerus 19:19

Na terseru ku setimu dia, ki algin ku sta puru i na waga ki yagu riba di kil ku sta impuru; na setimu dia i na purifikal. Dipus ki omi na laba si ropa ku si kurpu ku yagu; di tardi i na sta puru.

Numerus 19:21

Es i lei pa sempri pa elis. Ki algin ku waga yagu di purifikason i na laba si ropa. Kil ku toka na ki yagu di purifikason i na fika impuru te di tardi.

Numerus 19:8

Ki omi tambi ku kema baka i na laba si ropa ku yagu, tudu ku si kurpu; i na fika impuru te di tardi.

Ripitison di Lei 14:21

Limaria ku muri sin i ka matadu, bo pudi dal pa kualker stranjeru ku sta na bo prasa, pa i kumel, o bo pudi bindil pa un ospri, ma ka bo kumel, pabia bo sedu pobu sagradu pa SIÑOR bo Deus. Ka bo kusña kabritu ku liti di si mame.

Apokalipsi 7:14

N ruspundil: “Siñor, abo ku sibi.” I falan: “Esis i kilis ku bin di ki garandi pirsigison. E laba se ropa, e bidantal branku na sangi di Karnel.