Sirmonias 16:34 - BIBLIA - traduson antigu in Krioulo

³⁴ “Es i na sedu lei ku na dura pa sempri, pa fasi sakrifisiu un bias na kada anu pa tudu pekadu di fijus di Israel.” Aron fasi suma ku SIÑOR daba ordi pa Moisés.

Sirmonias 16:34 ပူးပေါင်းရင်းမြစ်များ

Saida 27:21

Aron ku si fijus e na toma konta di kanderus na tenda di juntamentu fora di kurtina ku sta dianti di arka di kontratu, pa lus ba ta sindi dianti di SIÑOR disna di tardi te parmaña. Es i un lei pa fijus di Israel ku se jorsons di futuru, pa sempri.

Saida 30:10

Un bias na kada anu Aron ten ku fasi sirmonia pa purifika altar; i ten ku pui na si kuatru cifri sangi di limarias ku sakrifikadu pa purdon di pekadu. Es ten ku fasidu kada anu pa sempri. I un kusa sagradu dimas pa SIÑOR.”

Saida 39:43

Moisés jubi tudu tarbaju diritu, i oja kuma e fasil konformi ordis ku SIÑOR da. Asin Moisés bensua elis.

Sirmonias 16:2

SIÑOR fala Moisés: “Konta bu ermon Aron pa i ka yentra na kualker ora ki misti na kau mas sagradu, pa dentru di kurtina, dianti di kubertura di miserikordia ku sta riba di arka di kontratu, pa ka i muri, pabia i la ku N ta parsi na nuven, riba di kubertura di miserikordia.

Sirmonias 17:1

SIÑOR fala Moisés

Sirmonias 23:28

Na ki mesmu dia bo ka na tarbaja, pabia i sedu dia di sakrifisiu pa pekadu, pa fasi sakrifisiu pa bos dianti di SIÑOR bo Deus.

Sirmonias 23:31

Bo ka na fasi nin un tarbaju. Es i na sedu lei ku na dura pa tudu tempus ku na bin, na tudu kau ku bo mora.

Sirmonias 24:23

Moisés fala fijus di Israel pa e toma ki algin ku papia mal, e lebal fora di kampamentu, pa e fercal ku pedra tok i muri. Asin fijus di Israel fasi suma ku SIÑOR manda Moisés.

Sirmonias 3:17

“Es i un lei ku ka na muda, na tudu jorson dipus di bos, na kualker kau ku bo mora: Bo ka na kume nin gurdura nin sangi.”

Numerus 29:7

“Na dia 10 di setimu mis, bo na tene juntamentu sagradu; bo nega bo kabesa, bo disa tudu bo tarbaju.

Ebreus 10:14

Son ku ki un oferta i purifika ntidu kilis ku santifikadu.

Ebreus 10:3

ma ki sakrifisiu di kada anu i ta fasi jinti lembra di se pekadu,

Ebreus 9:25

Ŝef di saserdotis ta yentra kada anu na lugar mas sagradu di tudu, ku sangi ki ka di sil, ma Kristu ka yentra manga di bias pa da si vida.

Ebreus 9:7

ma na sugundu lugar, son ŝef di saserdoti ku ta yentra un bias kada anu. I ka pudi yentra la sin leba sangi pa pursenta pa si kabesa, ku pekadu tambi ku jinti fasi sin e sibi.