Sirmonias 16:31 - BIBLIA - traduson antigu in Krioulo

³¹ I un dia sagradu di diskansu pa bos; bo na junjuŋa. Es i na sedu lei pa sempri.

Sirmonias 16:31 ပူးပေါင်းရင်းမြစ်များ

Esdras 8:21

La, lungu di riu Aava, N da ordi pa no junjuŋa, no baŝa dianti di no Deus, pa no pudi pidil bon bias pa nos, pa no fijus, ku tudu kusas ku no na lebaba.

Saida 31:15

Seis dia bu pudi fasi bu tarbaju, ma setimu dia i sabadu di diskansu, sagradu pa SIÑOR. Algin ku fasi tarbaju na dia di diskansu i ten ku matadu.

Saida 35:2

Tarbaju ta fasidu na seis dia, ma setimu i dia sagradu pa bos, i sabadu di diskansu pa SIÑOR. Algin ku fasi tarbaju na ki dia i na matadu.

Isaias 58:3

“E ta punta: ‘Ke ku manda no ta junjuŋa, bu ka ta paranu atenson? No ta kastiga no kurpu ma bu ka ta sibi.’ “Ma ora ku bo junjuŋa, bo ta buska bo propi purbitu, bo ta pui bo tarbajaduris pa e pui mas forsa.

Isaias 58:5

Nta es i ki junjun ku N kuji, pa omi kastiga si kurpu pa un dia, pa i mpina si kabesa suma kana di matu, pa i distindi saku ku sinsa pa dita nel? I es ku bu ta coma junjun? SIÑOR na kontenti ku un dia suma es?

Daniel 10:12

Dipus i falan: “Daniel, ka bu medi, pabia disna di purmeru dia ku bu pui sintidu pa ntindi, tambi pa bu baŝa dianti di bu Deus, bu palabras obidu. N bin suma rasposta di bu orason,

Sirmonias 23:32

I un sabadu di diskansu pa bos; bo ten ku nega bo kabesa. Disna di dia 9 di mis, banda di tardi, te di tardi di utru dia, bo na guarda bo dia di diskansu.”

Sirmonias 25:4

Nna setimu anu, tera na tene un sabadu di diskansu, ku sedu sabadu pa SIÑOR. Ka bu labra bu tera, nin limpa bu pes di uva.