Sirmonias 16:18 - BIBLIA - traduson antigu in Krioulo

¹⁸ “Dipus i na sai, i na bai pa altar ku sta dianti di tenda di SIÑOR, i na fasi sirmonia pa el. I na toma sangi di turusiñu ku sangi di bodi, i na pul riba di tudu pontas di altar.

Sirmonias 16:18 ပူးပေါင်းရင်းမြစ်များ

Saida 30:10

Un bias na kada anu Aron ten ku fasi sirmonia pa purifika altar; i ten ku pui na si kuatru cifri sangi di limarias ku sakrifikadu pa purdon di pekadu. Es ten ku fasidu kada anu pa sempri. I un kusa sagradu dimas pa SIÑOR.”

Ezekiel 43:20

Bu na toma utru di si sangi, bu pul riba di si kuatru cifri, tambi na kuatru ponta di fiada, ku si borda na roda. Asin bu na purifikal, bu fasil sagradu.

Ezekiel 43:22

“Na sugundu dia bu na da oferta di un kabra macu, sin difeitu, suma oferta pa pekadu; e na purifika altar, suma ke purifikal ku ki baka nobu.

Ezekiel 45:19

Saserdoti na toma utru sangi di oferta pa pekadu, i pul na kuadru di porta di templu, na kuatru ponta di fiada di altar, tambi na kuadru di porton di kintal di dentru.

Sirmonias 16:16

Asin i na fasi sakrifisiu pa purifika kau mas sagradu, pabia di impuresa di fijus di Israel, ku tudu se pekadu, manera ke kebra lei; i na purifika tambi tenda di juntamentu ku sta na se kampamentu, na metadi di se impuresas.

Sirmonias 16:17

Nin un omi ka na sta na tenda di juntamentu ora ku Aron yentra pa fasi sirmonia na kau mas sagradu, te ora ki sai. Asin i na fasi sirmonia pa si kabesa, si familia, ku tudu juntamentu di pobu di Israel.

Sirmonias 4:18

I na pui utru parti di ki sangi na pontas di altar ku sta dianti di SIÑOR na tenda di juntamentu. Tudu restu di sangi, i na darmal na pe di altar di oferta kemadu ku sta na entrada di tenda di juntamentu.

Sirmonias 4:25

Dipus saserdoti, ku si dedu, i na toma un bokadu di sangi di oferta pa pekadu, i na pul na pontas di altar di oferta kemadu. Ki restu di sangi, i na darmal na pe di altar.

Sirmonias 4:7

Saserdoti na pui un parti di sangi na pontas di altar di nsensu ku ta cera sabi, ku sta na tenda di juntamentu, dianti di SIÑOR. Ki restu di sangi, i na darmal na pe di altar di oferta kemadu ku sta na entrada di tenda di juntamentu.

Numerus 28:22

Bo na da tambi un kabra macu suma oferta pa pekadu pa bo pudi purdadu.

Bon Noba di Jesus Kristu ku Jon 17:19

Pa amor delis N na santifika ña kabesa, pa elis tambi e pudi santifikadu na bardadi.

Ebreus 2:11

Asin, kil ku ta santifika ku kilis ku santifikadu e sedu di un mesmu Pape. E ku manda Jesus ka burguñu coma elis ermons.